Wuupuwelela Okhwa wa Yesu
Saabadu, 12 a Abril, 2025
Ekwaha emosa vamwaakhani, Anamoona a Yehova annuupuwelela okhwa wa Yesu, ntoko siisale aarumme awe iiraka: “Muthipeleleke opaka ela mukuupuwelaka miyo”. — Luka 22:19.
Ninnoolattulani oweha muthukumano ola.
Makoho Animakela Okohiwa
Muthukumano owo onrowa oviriha okathi mikavi?
Onrowa okhala wa ewoora emosa.
Onrowa opakiwa opuro xeeni?
Mulavule ni Namoona a Yehova wiira ooleleni opuro onrowa aya opakiwa waattamela owannyinyu.
Niireke mutthu ohaana oliva wiira owehe?
Nnaari.
Niireke opuro owo onnivekeliwa musurukhu?
Nnaari.
Niireke sookhala ikuwo sa vameekhaaya mutthu onireerela awe owara?
Nnamwi muthukumano ola ohirina ikuwo sa vameekhaaya para owara, Anamoona a Yehova anniimananiha otthara malakiheryo a mbiibiliyani anihimya wiira nihaana owara voophwanelela ni mwa nttittimiho. (1 Timootheyo 2:9) Khivamprisari owara ikuwo sa musurukhu munceene masi sihaana okhala sooloka.
Etthu xeeni enrowa wiiraneya muthukumano wa Wuupuwelela?
Muthukumano onrowa opacerya ni omala niipiwaka nsipo, nuumala-vo Namoona a Yehova onoopaka nivekelo. Etthu yuulupale eniiraneya muthukumano wa Wuupuwelela, mwaha onilavuliwa onittittimiherya efaita erina aya okhwa wa Yesu ni etthu nikhanle ahu oopaka wiira nittottele mureerelo etthu Muluku ni Kristu anipakenle aya.
Wiira mwiixutte itthu sikina, nwehe mwaha oni: “A Ceia do Senhor – porque é que as Testemunhas de Jeová a celebram de modo diferente?”
Muhoolo, nihiku xeeni onrowa aya opakiwa muthukumano wa Wuupuwelela?
2025: Saabadu, 12 a Abril
2026: Namaxexe, 2 a Abril
You May Also Like
MEMORIAL
Wuupuwelela Okhwa wa Yesu
Moohakalala ninnoolattulani wiira mwakhale ni hiyo nihiku nno na vaamekhaya. Nyuwo munimwiixutta moota okumi ni okhwa wa Yesu onrowa aya woophwanyihani mureerelo.
ESSENTIAL BIBLE TEACHINGS
Exeeni Yaamwiirinhe Yesu Okhwa?
Biibiliya onnihimya wira okhwa wa Yesu wookhalana efaita yuulupale. Nto efaita xeeni orina aya?