Mavekelo Muluku oneemererya awe anlikana ni erupani yoowunkhela yeeyo aavahiwa awe Yehova mutemplo. (Esa 141:2) Okathi ninvekela ahu, ninnimuleela Tiithi ahu a wiirimu wira ninnimphenta vanceene nave ninnixukhurela itthu sootheene onniirela awe. Ohiya-vo, ninnimuleela mixankiho sahu ni itthu simphavela ahu ni ninninvekela malakiheryo. Niira siiso, nnimooniherya wira ninnivaha efaita waataana wahu ni yena. Mavekelo nimpaka ahu mapuro oowaatta atthu, ookhuveya ni mmuthukumanoni aniirela mpantta omukokhorela wahu Yehova. Masi Yehova onnihakalala vanceene okathi nimmutthukulela ahu murima ni oviriha okathi munceene nivaanelaka ni yena. — Mir 15:8.

NWEHE EVIIDIYU ENI: OKISIVELA OVEKELA AAHIISO OLOMPA, NUUMALA-VO MWAAKHULEKE MAKOHO ALA ANITTHARELANA:

• Iparakha xeeni munna Claudius aarina awe okathi anvarela awe Yehova?

• Moota xeeni munna Claudius oonihenrye awe wira mavekelo etthu ya faita mookumini mwawe?

• Ntakiheryo na munna Claudius niwiixuttinheni exeeni?