19-25 ya Maio
MIRUKU 14
Nsipo 89 ni Nivekelo | Masu Oopacerya (1 min.)
1. Muupuweleke Oratteene Yaakhumelela Ehasara
(10 min.)
Muheemereryeke “khula nuulumo” muniiwa anyu. (Mir 14:15; Owehaweha 02/2023 ipaax. 22-23 itti. 10-12)
Muhiroromeleke itthu munisuwela anyu paahi, aahiiso etthu yaatonko owiiraneelani khalai. (Mir 14:12)
Muhaawiriyaneke ale anikhootta malakiheryo a mutthenkeso wa Yehova. (Mir 14:7)
WIIRA MUUPUWELELE: Nyuwo axitokweene, niireke muhiilokiherya wiira mutthare malakiheryo ni omuroromela Yehova okathi sinikhumelela aya ihasara? — Owehaweha 07/2024 epaax. 5 etti. 11.
2. Itthu sa Efaita sa Mbiibiliyani
(10 min.)
-
Mir 14:15 — Itthu xeeni munireerela anyu othokorerya muhinatthi opaka soothanla? (Okumi Woohimala yoosoma 35 eponto 2)
-
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Mir 14:1-21 (Wiixuttiha yoosoma 11)
4. Ovaanela Woopacerya
(3 min.) OLALEERYA MAPURO OOWAATTA ATTHU. Mmurumeele Biibiliya wiira mmukhaliherye mutthu oxankale mwaha woothowa musurukhu. (Waaphenta Atthu yoosoma 3 eponto 3)
5. Ohihiya Waakhaliherya
(4 min.) OLALEERYA EMPA NI EMPA. Munvahe erevista enivarihana ni mwaha mwaakisenrye anyu ovaanela wahaareere omusivela. (Waaphenta Atthu yoosoma 9 eponto 4)
6. Waapaka Awiixutti
(5 min.) Mmutumererye naxikola anyu wiira omusomeke Biibiliya khula nihiku ni mmooniherye moota okhanle awe opaka eyo. (Wiixuttiha yoosoma 19)
Nsipo 126
7. Mwiilokiheryeke Para Okathi wa Ehasara
(15 min.) Mwaha ni makoho vakhani.
Mwaha onilavuliwa ni mutokweene. Muhimye soowuupuxerya sinikhuma ofiliyaali ni sa nikhuuru na axitokweene, vakhala wiira muhaakhela.
Ninkhala “mahiku ookiserya”! Nto, nihaana ovilela mixankiho sintepa wuncerereya mahiku ala. (2 Ti 3:1) Okathi enaattamela aya ehasara, arumeyi a Yehova annaakhela malakiheryo yaawo anaakhaliherya woopola ikumi saya. Woopowa wahu onlipa ni itthu nimpaka ahu wiira nilipihe waamini wahu ni olokiherya itthu sinrowa onikhaliherya okathi wa ehasara. — Mir 14:6, 8.
-
Mulokiheryeke waataana wanyu ni Muluku: Mwiimananiheke omusoma Biibiliya khula nihiku. Nave-tho, mwiixutteke inamuna soovirikana sa muteko woolaleerya. Muhixanke akhala wiira moottaivelana ni anna aahiiso muloko okathi wa ehasara. (Mir 14:30) Nyuwo khamukhanle mekhinyu, muri ni Yehova vamosa ni Yesu Kristu. — Mutthenkeso Onipaka Otthuna wa Yehova epaax. 176 itti. 15-17
-
Khula okathi mukhaleke oolikana ene: Ohiya paahi olokiherya murupa, khula emusi ehaana olokiherya eyoolya eniphiyerya, maasi, mirette ni itthu sikina, wiira arumeeleke okathi vahinrowa aya oweryaneyaka okhuma owaani. — Mir 22:3; Despertai! 05/2017 epaax. 4
Nwehe EVIIDIYU Munrowa Opaka Exeeni Okathi wa Ehasara ya Ephattu? Nuumala-vo, mwaakohe alipa-oowiriyana makoho anittharelana:
-
Yehova onrowa onikhaliherya sai okathi wa ehasara?
-
Itthu xeeni nikhanle ahu oopaka wiira niilokiherye?
-
Ninrowa waakhaliherya sai atthu akina saaphwannye ihasara?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 83
