OHIHIYA WAAKHALIHERYA
YOOSOMA 9
Woona Othunku
Yoolepa: “Mutteeliweke murima naale anitteeliwa murima. Munleke naale aninla”. — aRom. 12:15.
Etthu Yesu Aapanke Awe
1. Nwehe EVIIDIYU, aahiiso mmusome Marko 6:30-34. Nuumala-vo, mwaakhule makoho anittharelana:
Etthu Yesu Onniixuttiha Awe
2. Woona othunku, onooniiriha waathokorerya atthu, ohiya paahi ophavela waalaleerya ihapari sooreera.
Mmutakiheke Yesu
3. Munwiriyaneke saana. Mmuhiyeke mutthu owo wiira ohimyeke itthu sinimuxankiha. Muhimuthikileke moolumo aahiiso muhaakuveke okhootta moonelo awe ni itthu sinimuxankiha, aahiiso itthu onivaanyiha awe. Okathi muninwiriyana anyu saana, munnimooniherya wiira munnithokorerya itthu onuupuwela awe.
4. Mmuupuweleke mutthu owo oniphavela wiixutta ekeekhai. Muupuwelaka itthu nvaanenle anyu ni mutthu owo, mwiikoheke so:
-
‘Xeeni mutthu ole onipirisari awe owiriyana ihapari sooreera?’
-
‘Omusoma Biibiliya, onrowa omukhaliherya sai mookumini mwawe niinaano-va ni muhoolo?’
5. Mulavuleke itthu sikhanle oomukhaliherya. Ohivinre okathi munceene, mmooniherye mutthu owo moota omusoma Biibiliya, onrowa aya waakhula makoho awe ni omukhaliherya mookumini mwawe.
