Soowiiraneya sa mbiibiliyani sa efaita yinceene:

• 1 Ma 18:36-38 — Okathi Eliya aavaanyihale awe maprofeta a Bayali omwaako Karmelo, Yehova aahaakhula moowaakuveya nivekelo na profeta awe ole oororomeleya.

• Mat 7:7-11 — Yesu oonitumererya othipelela ovekela ni ohooniherya wiira Yehova Tiithi oophenta ni onniniwiriyana.

Soowiiraneya sa mbiibiliyani sa efaita yinceene:

• Yoox 24:9, 10 — Yehova aahikhootta owiriyana nivekelo na Balaamu, mwaha woowi etthu aavekenle awe khiyaavarihana ni ele Muluku aaphavela awe.

• Yes 1:15-17 — Okhala wiira atthu a Muluku yaahikhala anawoothe ni yaahikhalana nthowa na ephome, Yehova aahikhootta owiriyana mavekelo aya.

Soowiiraneya sa mbiibiliyani sa efaita yinceene:

• 1 Wa 29:10-19 — Mwene Davidi aahipaka nivekelo mwa nsina na nloko nootheene na aisarayeli, okathi atthu ale yaavanhe aya musurukhu aya ni mireerelo sikina wiira etekiwe etemplo.

• Mit 1:12-14 — Arummwa, axinnawe Yesu, Maria (maana awe Yesu) ni athiyana akina oororomeleya yaahithukumana esaala ya osulu oYerusalemu wiira avekele hoothe.

Soowiiraneya sa mbiibiliyani sa efaita yinceene:

• Dan 6:6-10 — Hata oopopihiwa wiiviwa, profeta Daniyeli khaahiyale onvekela Yehova ooniwaka ni atthu akina.

• Luk 18:1-8 — Yesu aahipaka nlikanyiho na mulipa-oophuka ahaamoova Muluku ni ahaarina exariya, yoowo aamwiirenle exariya muthiyana aamakela onvekela exariya. Orumeelaka nlikanyiho nla, Yesu aahooniherya wiira Tiithi ahu a wiirimu, ta xariya ni onoonikhaliherya naahihiye onvekela.

Soowiiraneya sa mbiibiliyani sa efaita yinceene:

• 2 Ma 22:11-13, 18-20 — Yehova aahimmorela ikharari ni omureerela murima mwene Yosiya mwaha woowi aahiiyeviha ni aaphavela omusiveliha Yehova.

•  2 Wa 33:10-13 — Mwene Manase aahiiyeviha ni aahimuxonttela Yehova wiira omulevelele, nto Yehova aahimulevelela ni aahimweemererya otthikela okhala mwene.

Yoowiiraneya ya mbiibiliyani ya efaita yinceene:

• 1 Ma 3:11, 12 — Okathi mwene Salomoni aavekenle awe ankhili, Yehova aahisiveliwa ni aahimwiiriha okhala mutthu a ankhili waavikana atthu ootheene a okathi ole.

Soowiiraneya sa mbiibiliyani sa efaita yinceene:

• Luk 10:21 — Yesu aahimuttottopela ni onvuwiha Tiithi awe nipuro yaari atthu anceene mwaha wa waaleela ikeekhai atthu oowiiyeviha ntoko anamwane.

• Wiis 4:9-11 — Malaikha a wiirimu anninvuwiha ni omuttottopela Yehova ntoko oniphwanela awe.

Soowiiraneya sa mbiibiliyani sa efaita yinceene:

• 1 Ma 18:25-29, 36-39 — Okathi yaakhula aya ovaanyiha wa profeta Eliya, maprofeta a Bayaali yaahiviriha iwoora sinceene akhuweleka ni yaavekelaka amuluku aya, masi khiyaakhumelenle etthu.

• Mit 19:32-41 — Esidade ya wEefeso, atthu yaamukokhorela muluku muthiyana Arteemi yaahikhuwela iwoora piili, masi etthu yaawenrye aya ophwanya waari opwapweliwa ni mukhulupale a esidade ele.