Masaalimu 10:1-18
ל [laamete]
10 Yehova, xeeni muri anyu ottaiwene?
Xeeni muniipitha anyu okathi kinixanka aka?
2 Mwaha wa wiixinnuwiha wawe, mutakhali onnimulupattha mutthu ooxanka,Masi onoohomphwa ni miraakho oreyale awe.
3 Mutakhali onniittottopa mwaha wa itthu sootakhala oniphavela awe,Nave onniphavela wiira nanrima, itthu simweetteleke saana;*נ [nuune]Owo khonimuttittimiha Yehova.
4 Mwaha wa wiixinnuwiha wawe, mutakhali khoniphavela omusuwela Muluku;Okathi wootheene owo onuupuwela so: “Muluku khokhanle”.
5 Itthu sinipaka awe sinnimweettela saana,Maphukelo anyu, owo khonisuwela.Owo onnaanyoholela awanani awe ootheene.
6 Owo onnihimya vamurimani vawe wiira: “Nkinikhala-khala kimoraka;*Mpakha ohoolo,Khiivo etthu enrowa okikhumelela”.
פ [pe]
7 Mwaano mwawe, moosareya moolumo ootakhaliha, oowootha ni oowali;Nlumi nawe ninnilavula moolumo oohiloka ni oowereya.
8 Owo onniipitha waattamela omuttettheni;Onnikhuma nipuro iipinthe awe, wiira omwiive mutthu ohitthenke.
ע [ayine]
Maitho awe annimwaavya mutthu para omwiiva.
9 Owo onniipitha ntoko kharamu oniipitha awe mukhukuni mwawe.
Nave onnilipelela wiira onvare mutthu oxankale.
Okathi onipurula awe ntthavi nawe, onninvara mutthu oxankale.
10 Mutthu owo oxankale onniweriwa;Ni onninyakattiwa, onariheliwa vathi.
11 Mutakhali onnihimya vamurimani vawe wiira: “Muluku ooliyala.
Owo oorukunuwa.
Khoniweha-tho etthu”.
ק [koofe]
12 Xontte Yehova, nvenye. Khoo Muluku, mooniherye owerya wanyu.
Muhaaliyale atthu axankale.
13 Xeeni mutakhali ohinimuttittimiha awe Muluku?
Owo onnihimya vamurimani vawe wiira: “Muluku khonrowa okikoha etthu”.
ר [reexe]
14 Nyuwo munniweha mixankiho ni ohaawa.
Munniweha, nto munooniherya owerya wanyu.
Atthu ooxanka annoorwa wa nyuwo;Ti nyuwo munimukhaliherya mwaana ohirina apapawe.*
ש [xiimi]
15 Munte moono wa mutthu ootakhala ni oohiloka,Wiira muhiphwanye miteko sawe sootakhala,Hata mwaavyaka vanceene.
16 Yehova ti Mwene a mahiku ootheene.
Maloko aamala-mala mulaponi.
ת [taawu]
17 Yehova, nyuwo munoowiriyana mavekelo a atthu oowiiyeviha.
Munoolipiha murima aya, munimwaawiriyana oratteene.
18 Munoowiirela exariya anamwane ahirina apapaya ni atthu anihaaxiwa,Wiira pinaatamu ohitthikele owoopopiha.
Inoota
^ Aahiiso, woonasa wene: “mutthu orina nrima onniireeliha”.
^ Aahiiso, “kittikinyeyaka”.
^ Aahiiso, “ekwaasuni”.
