Omwene wa Muluku Exeeni?
Atthu anceene annivekela wira Omwene wa Muluku orwe. Niireke mootoko wiikoha, Omwene wa Muluku exeeni ni onrowa opaka exeeni?
NWEHE ELE BIIBILIYA ONIHIMYA AWE:
Omwene wa Muluku Exeeni?
Ekuvernu eri wiirimu, nto Mwene aya ti Yesu Kristu.—Yesaya 9:5, 6; Matheyo 5:3; Luka 1:31-33.
Omwene wa Muluku onrowa opaka exeeni?
Omwene wa Muluku onoomaliha itthu sotheene sootakhala ni onimwaaphwanyiha murettele atthu otheene valaponi.—Daniyeli 2:44; Matheyo 6:10.
Onitaphulela exeeni opacerya ophavela Omwene?
Ontaphulela okhaliherya Omwene wa Muluku ni okupali wira onoomaliha mixankiho valaponi ni opaka yootthuna ya Muluku.—Matheyo 6:33; 13:44.
