Moohihovela, nyuwo munnatthuna weera namasomaanyu aBiblya akeleke vahoolo moomunepani nave amusuweleke Yehova. Mene weera yeereye eyo, ontthuneya weera namasomaanyu ahitxeeke yootxa yoomunepani emaara mummusomaanyu Biblya vamoha paahi. (Mt 5:3; Aheb 5:12–6:2) Mene owo ontthuneya oxuttera wiitxiha meekhaawe yootxa yoomunepani.

Ovinya mahuku oopatxera a yoosomaanyu, mmuxuttihe na masomaanyu moota woowiireherera muhinaaye osoma. Nave mmuupuxereke veeli-veeli otthuneya waya, owo wiireherera muhinaaye opaka yoosoma. (mwb-MAC 18.03 epax. 6) Ophwaha mwa yeeyo, mmooperereke namasomaanyu weera ikwaha sootheene ontthunaawe opaka yoosomaawe ya Biblya ya vameekhaawe, apatxereke toko opaka nivekelo. Nyuwo tho pooti omoonihera moota woovarihela muteko esaite ahu, ni aplicativo weera apake yoosomaawe. Nave-tho mmuleele moota woowoona itthu inyowani mu site jw.org ni JW Broadcasting^®. Vakhaani-vakhaani, mmuxuttiheke namasomaanyu omusoma Biblya mahuku oottheene ni oreherera mithukumano aarowaka woonela ni othola-thola nyaha wakhala weera yookhala etthu ohiniiwexexaawe. Ni Mmukhavihere namasomaanyu otthokelela itthu iye onsomaawe.

MOONIHERE EVIIDIIYU ENEERA: MMUKHAVIHERE OLE MUNIMUSOMIHA ANYU BIBLYA OTXA YOOTXA YA OMUNEPANI. AVINYAKA MWAAKHULE MAKOHO ALA:

• Sara aamoonihenre hayi Jade weera osoma khaiyene waasa waakhuliwa wa makoho paahi?

• Etthu heeni yaamukhavihenre Jade ororomela wi Yehova khananarinhe okhoottiha okonihana woohireerela?

• Jade oonelenle eheeni voohima sa otthokelela?