MAKHALELO A MAKRISTU
Etthu heeni nikhanlaahu ooxuttera ni ekumi ya Samuweli
Ekumi awe yootheene Samuweli aari oororomeleya wa Yehova, emaara owo aaraawe mwaana, khaahinye ntakihero noonanara na anamwane a Eli yeeriwa Hofini ni Pineha, nivoleelaka mikhalelo sawe. (1Sam 2:22-26) Emaara Samuweli onnuwaiye Yehova annavirelela okhala nuuwo. (1Sam 3:19) Emaara Samuweli ooluvanlaawe owo annapwaherera omuroromela Yehova. Owo aapaka eyo nnaamweera anamwene awe yaathanlale ohitthara malamulo a Yehova.—1Sam 8:1-5.
Etthu heeni nikhanlaahu ooxuttera ni ekumi ya Samuweli? Waari weera, nyuwo mwa mmiravo, muhittiwale weera Yehova onnoona maxupo munkumanaanyuno ni muupuwelo anyu. Owo onimookhaviherani okhala oolipa mirima. (Yes 41:10, 13) Asitiithi, waari weera nyuwo mookhalano anamwene ehinye ekhaikhai, mmuupuwele Samuweli weera owo khaanyeserenre anamwane awe weettela miruku sa Yehova. Opwaha wa Yeeyo, owo aahiya mwaha ole mmatatani mwa Yehova ni ahiilipihera okhala oororomeleya ni omusiveliha Yehova. Pooti weera ntakihero nawe, nahakhavihera anamwene awe oottikela wa Yehova.
MOONELE EVIIDIYU ENEERA: MUTTHAREKE NTAKIHERO NAYA—SAMUWELI. AVINYAKA MWAAKHULE MAKOHO ALA:
-
Samuweli oonihere hayi olipa murima emaara aaraawe mwaana?
-
Luka oonihenre hayi olipa murima?
-
Moota heeni Samuweli aavanwaawe ntakihero vaavo uuluvanlaawe?
-
Yehova onnaakhavihera ale anvirelela okhala oororomeleya wa yoowo?
Asipapawe Luka, yoonihenre hayi ntakihero nooreera?
