Mutthu oonaareerela murima atthu akina onnasuwela itthu sintxipale sa atthu awo. Onnasuwela moota onuupuwelaawe, moota onoonelaawe ni onnasuwela soohawela saya. Atthu ennawera osuwela wakhala weera akina ennaareerela murima. Etthu enrowa onikhavihera waareerela murima akina, ori okhalano ntthuno noowaakhavihera atthu akina. Nooniheraka oreerela murima mutekoni woolaleera, nimmulikanxa Yehova, oonaapwattha ni oonaasivela atthu. Mwa yeeyo, atthu nnuulumaahuno pooti otthunaka omukokhorela Yehova.—Af 2:4.

Oreerela murima weekhaikhai khaiiyene etthu mutthu oneeraawe wiinyesereriha. Nnimoonihera mukhalelo ola mwa ele nnuulumaahu, moota enooniheraaya ethoni ahu ni ele nnuupuwelaahu vathi va murima. Etthu yootthuneya ori waapwattha atthu akina. Mwa ntakihero, mwa ele enaasivela ni enroromelaaya. Ninniilipihera waakhavihera atthu moohiyana-hiyana. Nave hiyo, khanintthuneya waanyesereriha otxentxa makhalelo aya. Emaara nnoonaahu oreerela wahu murima waakhaviheraka atthu akina, nneereke ohakalala ni mutekwaahu woolaleera.

MUHAKALALEKE MWAAPAKA-ATTHARELI—MUREHEREREKE MIKHALELO SANYU—MUREERELEKE MURIMA, AVINYAKA MPAKE MAKOHO ALA:

• Sara oonihenre hayi oreera murima vaavo Jade apinsaawe ophiya nipuro na yoosomaaya?

• Sara oonihenre hayi oreera murima vaavo Jade ahimaawe weera khakhanle nnene mmuru ni khayaarowa osoma nihiku nne?

• Sara oonihenre hayi oreera murima vaavo Jade ahimaawe weera khakhanle mutthu oowiirehera?