Nyuwo mohaasoma nnenesene a Nwehereri ootheene a eyaakha ela? Vano, mweerere waakhula makoho ala enttharelana:

Nnaatthuveliwe hayi wakhala weera ninnaviriha etempu ntthekulaka, niiwaka ni wuupuwela itthu sa Yehova?

Mwaha wooweera ninkela opakaka soothanla sooreera, nnookhala namahusiha ookhumelela nnene, nroromelo nanyu nnoolipa, ni omusivela wahu Yehova onimwantxerereya. — w22.01, ipaax. 30-31.

Ninrowa okhavihereya hayi naxuttera omuroromela Yehova ni atthu aathanliyaawe weera ehooleleke muloko awe?

Ela ewoora yoororomela moota Yehova ompakaaweno itthu, nittharaka miruku ni soothanla sa asitokweene. Neera haawo, yapatxera yoohooxa etokotoko nnoorowa okhala oolikaneene wiiwelela ni otthara miruku sinnixupa wiiwexexa. — w22.02, ipaax. 4-6.

Entaphulela eheeni masu a nlaika vaavo uulummawe sa ‘eprumu mmatatani mwa Zorobabeli [governator aYuda]’? (Zak. 4:8-10)

Nlaika naatthuna ohima weera nnaamweera epewe ele yaari yoohireeraxa, vaavo yeeraaya emalihiwe yaakela okhalaka moovarihana ni malamulo a Yehova. — w22.03, ipaax. 16-17.

Nnaakhale hayi ntakihero “. . . nuulumaka”? (1 Tim. 4:12)

Nuulumaka mooreera murima ni nttittimiho mmutekoni woolaleera, nivahaka ikomentaariyu sahu omithukumanoni nave niipaka ni murima wootheene omithukumanoni. — w22.04, ipaax. 6-9.

Mwaha wa heeni enama enhimwa va Apokalise 13:1, 2 enlikanaaya ni inama ixexe (igovernu) sinhimwa va Daniyeli ekapiitulu ya 7?

Enama ya va Apokalise ekapiitulu 13 khenthoonyera egovernu emoha yoosuwanyeya, mwa ntakihero, oRoma. Eyo, enthoonyera igovernu sootheene sa atthu mpaka seiye sinlamulela mahiku ahu ala. — w22.05, epaax. 9.

Moota heeni nnooniheraahu ororomela exariya ya Muluku?

wakhala weera ookhala ontthekenle naari oniveehale, khanintthuneya ommira supi naari okhala ni isara. Nintthuneya weera nihiyeke itthu sootheene mmatatani wa Yehova. Owo onoorehera itthu sootheene sinkumiheriwa mwaha wa yoottheka. — w22.06, ipaax. 10-11.

Munna ovekeliwe opaka nivekelo omuthukumanoni ontthuneya weera uupuweleke eheeni?

Khootthuneya opaka nivekelo ni yootthuna ya ovaha miruku naari ompaka anunsiyu. Otepaxaweene yaapatxeraka mithukumano munna ompaka nivekelo khantthuneya “waatxera masu”. (Math. 6:7) — w22.07, ipaax. 24-25.

Wa mukhalelo heeni ale “apanke itthu soonanara” anrowaaya “ovinyererihiwa noothorihiwa”? (Yoh. 5:29)

Atthu awo khanrowa othorihiwa moovarihana ni itthu epankaaya khalayi, naari ottaruxiwa mwaha wa itthu apankaaya ehinaakuve okhwa. Othorihiwa wa atthu awo onrowa okhala moovarihana ni itthu anrowaaya oxuttihiwa elapo enyowani. — w22.09, epaax. 18.

Masu heeni oohakalaliha Rutherford uulumaawe va kongresu a Setembro a 1922?

Va kongresuni oCedar Point, Ohio, EUA, Rutherford aahimme ha: “Mwene onnalamulela! Nyuwo mwa atthu awe weera mmulaleye. Ti vawonto, mulaleye, mulaleye, mulaleye Omwene ni mwene awe!” — w22.10, ipaax. 3-5.

Mwa mikhalelo heeni miraru sa ekapiitulu ya 30 ya Yesaya enuulumaaya weera Yehova onnanikhavihera ovilela?

Ekapiitulu ela ennoonihera weera Yehova (1) onnaiwa moomaaleleya mavekelo ahu ni onnaakhula, (2) onnanivaha miruku ni (3) onnanireeliha vaanano ni onoonireeliha muhoolo. — w22.11, epaax. 9.

Mwaha wa heeni ninhimaahu weera masu a Nsalmu 37:10, 11, 29 yaakwanela khalayi ni anookhwanela-tho muhoolo?

Masu a Davidi yuuluma sa mareeliho yaakhanle khalayi ni ana a Israeli, ni tho mareeliho yaakhanle moomweneni mwa Salomoni. Yesu uulumaka sa masu a eversu 11 aahimme weera yaamukhala eparadiso muhoolo. (Math. 5:5; Luka 23:43) — w22.12, ipaax. 8-10, 14.