YOOSOMA 01

Biblya onrowa wookhaviherani hayi?

PLAY

Ootheene hiyo ninniikoha voohima sa ekumi, ntoko ohaawa, okhwa ni itthu sa muhoolo. Nave-tho ninnixupeya niitthu sa nihiku ti nihiku, moota wookhalano yoowiikhuriha ni okhalano etthoko yoohakalala. Atthu antxipale ahoonelela weera Biblya onnaakhula makoho ootthuneya a mweekumini. Opwaha mwa yeeyo Biblya onnanivaha miruku sinnihakalaliha mweekumini. Munoona weera Biblya pooti waakhavihera atthu mwaasuwenlaanyu?

1. Makoho heeni Biblya onaakhulaawe?

Biblya onnaakhula makoho ootthuneya. Mwa ntakihero: Ekumi epatxenre hayi? Ekumi yaakhalela heeni? Mwaha wa heeni atthu anhawaaya? Eheeni eneereya mutthu akhwa vale? Mwaha wa heeni sinwaniwaaya ikhotto atthu etthunaka murettele? Eheeni enrowa weereya ni elapo? Khaiyene ti woonanara opaka makoho ntoko awo. Atthu antxipale ahoonelela weera waakhula wa Biblya ti weekhaikhai.

2. Biblya onkela onikhavihera hayi okhala oohakalala nenne nxiiye?

Biblya onnavaha miruku sooreera. Mwa ntakihero Biblya onnakhavihera itthoko ophwanya ohakalala weekhaikhai. Biblya onnanleela moota woovilela estresse ni moota woophwanya ohakalala mmutekoni mwahu. Eliivuru ela enkela wookhaviherani oxuttera ele Biblya onxuttihaawe voohima sa mwaheene yoola ni itthu ikina. Pooti weera nyuwo munnaakhulela weera: “yolepwa [naari neere, Biblya ootheene] ohupuxeriwa . . . Muteko aya ti wohusiha”.—2 Timotheyo 3:16.

Eliivuru ela khemmuranttela Biblya. Mweekhaikhai ela eniwoopererani omusuwela nnene Biblya. Mwa yeeyo, mwiilipihereke osoma soolempwa sootheene siromoliwe ni mulikanxereke ele Biblya onhimaawe ni ele munxutteraanyu.

WEERA MUXUTTERE SINTXIPALE

Moone moota Biblya onaakhaviheraawe atthu, moota oneeraawe oosivelekeni omusoma Biblya ni heeni oraaya vooreera okhaviheriwa weera mwiiwexexe ele Biblya onhimaawe.

3. Biblya pooti oninthoonyera iphiro sahu

Biblya ori ntoko tiinamu oopattaxa a lanteerna. Biblya onoonikhavihera opaka soothanla sooreera ni onnuuluma itthu sa muhoolo.

Musome Nsalmu 119:105, avinyaka mutthekule ni ipontu sinttharelana:

Namalepa a Nsalimu nla aamoonela hayi Biblya?
Nto nyuwo munamoonela hayi Biblya?

4. Biblya onoowera waakhula makoho ahu

Moone moota Biblya aakhavihenraawe aprofesoora amoha ophwanya waakhuliwa wa makoho aya yaawo yahaaweraaya ophwanya waakhuliwa mwa iyaakha sintxipale. Moone EVIIDIYU, avinyaka mutthekule ni epontu enttharelana:

EVIIDIYU: Ehoomaleleni yooweherera! (1:48)

Nviidiyuni, makoho heeni professora akhalannaawe?
Moota heeni omusoma Biblya omukhavihenraawe?

Biblya onnanooperera weera naaseke waakhuliwa makoho ahu. Mmusome Matheyo 7:7, ni avinyaka mutthekule ni ipontu sinttharelana:

Makoho heeni mwaatthunaanyu weera Biblya aakhule?

5. Nyuwo oneereke woosivelani omusoma Biblya

Atthu antxipale onnaasivela omusoma Biblya, nave eyo ennakhavihera vantxipale. Moone EVIIDIYU, avinyaka mutthekule ni epontu enttharelana:

EVIIDIYU: Omusoma Biblya (2:05)

Moovarihana ni eviidiyu, heeni amiravo wahaasivelaaya osoma?
Mwaha wa heeni voottharelana waasivelaaya omusoma Biblya?

Mitthenka sa mBiblyani sinnamaaliha nave sinnanivaha yooweherera. Mmusome Aroma 15:4, avinyaka mutthekule ni ipontu sinttharelana:

Mwannatthuna osuwela sintxipale voohima sa nimaaliho ni yooweherera?

6. Atthu akina pooti onikhavihera omwiiwexexa Biblya

Ohiya omusoma Biblya meekhaaya, atthu akina ahoonelela weera otthekulela voohima sa Biblya ni atthu akina onnikhavihera. Musome Miteko 8:26-31, avinyaka mutthekule ni epontu enttharelana: