YOOSOMA 14
Nipakeke eheeni weera Muluku aakhulele okokhorelawahu?
Ntoko nonnaahu soosoma samuttuli, Muluku khanaakhulela ittiini sootheene. Mene hiyo pooti omukokhorela mpattuxaahu ntoko owo ontthunaawe. Neereke yookhala “elapelo [naari ettiini]” enaakhuleliwa ni Muluku? (Yakobe 1:27, enoota) Ninkela woona ele Biblya onxuttihaawe.
1. Okokhorelawahu ontthuneya weera ovarihaneke ni eheeni?
Okokhorelawahu ontthuneya weera ovarihaneke ni ele Biblya onxuttihaawe. Yesu amweerela Muluku: “Nsu ná ti nekhaikhai.” (Yohani 17:17) Ittiini sintxipale ohiya otthara nsu na Muluku, sintthara sookhovelela saatthu ni sooxuttiha saya. Yehova khanaakhulela ittiini ‘sihineettela ikano’ sawe. (Mmusome Marko 7:9.) Ninnamuhakalaliha Yehova naattharaka ele Biblya onhimaawe.
2. Moota heeni nneeraahu nimukokhoreleke Yehova?
Nimukokhoreleke Yehova paahi mwaha wooweera owo mpattuxaahu. (Apokalise 4:11) Mwa yeyo, khontthuneya okokhorela elataratho, mwaha wooweera nsivelo nahu ni okokhorela wahu ti na Yehova paahi.—Mmusome Yesaya 42:8.
Okokhorela wahu okhaleke ‘wootteela ni woomusivela’ Yehova. (Aroma 12:1) Eyo entaphulela weera, ontthuneya wiiwelela malamulo awe. Mwa ntakihero, atthu ammusivela Yehova, anniwelela malamulo awe voohima sa ntheli. Awo-tho, khampaka itthu ntoko ompaha soona, otxa mirette soohapala naari ohapaliwa. a
3. Mwaha wa heeni hiyo nintthuneyaahu omukokhorela Yehova vamoha ni asinna akina?
Yehova onnanivekela weera nroweke omithukumanoni. Mwaha wooweera, owo onnansivela ni onnasuwela weera eyo enoonihakalaliha mahuku ootheene. Emaara ninthukumanaahu mmulokoni, hiyo ninninvuwiha naari omukokhorela Yehova. Moota woopaka eyo, ori wiipa itxipo simmuhakalaliha Yehova. (Musome Nsalmu 104:33.) Itxipo sinnanivaha eparakha ‘yoonvuwiha Yehova mmulokoni’. (Nsalmu 111:1, 2) Ohiya eyo, naarowaka omuthukumanoni ninnanlipiha anna ni awo annanilipiha.
WEERA MUXUTTERE SINTXIPALE
Moonelele mwaha wa heeni Yehova ohinaakhulelaawe ovarela muteko elataratho naamukokhorelaka. Moone-tho mota mukina woonvuwiha Muluku.
4. Nihivariheleke muteko ilataratho emaara nnamukokhorelaahu Muluku
Ninsuwela hayi weera Muluku khommusivela aanoonaka nivarelaka muteko ilataratho naari okhala ootteela vaavo nimmukokhorelaahu? Moone EVIIDIYU, avinyaka mutthekule ni epontu enttharelana.
-
Ehuhu aalempwaawe Biblya arumeyi akina a Muluku yaanneerera omukokhorela Muluku evarihelaka muteko ilataratho. Ti heeni yaakhumelenle mwaha woopaka eyo?
Atthu akina anahima weera annavarela muteko ilataratho weera emwaattameleke Muluku. Neereke tiiwooreera opaka eyo? Mmusome Ottimula 20:4-6 ni Nsalmu 106:35, 36, avinyaka mutthekule ni ipontu sinttharelana:
-
Itthu heeni naari ilataratho monnaanyu atthu anvarihelaaya muteko emaara emmukokhorelaaya Muluku?
-
Neereke Yehova onnamusivela aawoonaka atthu evarihelaka muteko ilataratho weera emukokhorele?
-
Ovarihela muteko ilataratho vaavo nimmukokhorehaahu Muluku tiwooweera?
5. Omukokhorela paahi Yehova, onnanikhavihera ohootothiwa ni sooxuttiha soowootha
Moone moota heeni omukokhorela Yehova paahi oneeraaya onikhavihere ohiwokiwa ni sooxuttiha soowootha. Moone EVIIDIYU.
Musome Nsalmu 91:14, avinyaka mutthekule ni epontu enttharelana:
-
Nnimoonihera weera ninnamusivela Yehova naamukokhorelaka yooworu paahi. Wakhala weera nnoopaka eyo, Yehova onnilaihera eheeni?
6. Hiyo ninnamukokhorela Yehova mmithukumanoni nreene Empa ya Omwene
Hiyo ninnanvuwiha Yehova vaavo nnaakhulaahu va mithukumanoni Empa ya Omwene. Musome Nsalmu 22:23 [22:22, Tradução do Novo Mundo], avinyaka mutthekule ni ipontu sinttharelana:
-
Nyuwo onnoosivelani owiiwa atthu akina yaakhulaka omithukumanoni?
-
Mwannatthuna wiireherera weera mwaakhule omithukumanoni
7. Yehova onnahakalala vaavo nnaaleelaahu atthu akina ele ninxutteraahu
Hiyo pooti waaleela atthu akina ikhaikhai sa mBiblyani moohiyana-hiyana. Musome Nsalmu 9:2 [9:1, NM] ni 34:2 [34:1, NM], avinyaka mutthekule ni epontu enttharelana:
-
Nyuwo mooxuttera ikhaikhai sa mBiblyani. Ekhaikhai heeni mwaatthunaanyu waaleela atthu akina?
ATTHU AKINA ANEERA: “Khontthuneya opwattha moota nimmukokhorelaahu Muluku. Etthu yootthuneya ori opaka eyo nimurima.”
-
Nyuwo munoonela hayi eyo?
NYAHA SOOTTHUNEYA
Mpattuxaahu onnahakalala emaara nimmukokhorelaahu yooworu, onvuwiha mmithukumanoni ni emaara nnaaleelaahu atthu akina ele nixuttenraahu.
Wuuluula
-
Ninkela oxuttera hayi moota woomukokhorela Muluku ntoko owo ontthunaawe?
-
Mwaha wa heeni ontthuneyaaya omukokhorela Yehova paahi?
-
Mwaha wa heeni nintthuneyaahu omukokhorela Muluku vamoha ni yaale antthuna opaka yootthunaawe?
WEERA MUSUWELE ITTHU SINTXIPALE
Musome yooweereya ya muthiyana yoowo aahakalanle mwaha “woohiya okokhorela ilataratho”.
“Khohiya okokhorela ilataratho” (A Sentinela, 1.º a Julho a 2011)
Muxuttere ele eneera yookhavihereni ovaha ikomentaariyu omithukumanoni.
“Munvuwihe Yehova Mmuthukumanoni” (A Sentinela, a Janeiro a 2019)
Mithukumano saamukhavihenre hayi mmiravo ola, naamwi wanvila orowa empa ya Omwene?
Atthu antxipale annaroromela weera aKristu anitthuneya ovarela muteko muttantta emaara enamukokhorelaaya Muluku. Neereke tivootthuneya ovarela muteko muttantta?
a Enoota: Itthu iya ninkela woona mpuwa mwa soosoma ikina.
