Nele Olimpìade de 2024, intorno de 5 bilioni de persone le ndarà veder atleti de 206 nassion partissipar nei giughi. El presidente dela Comission Internassional dele Olimpìade, Thomas Bach, el ga dito: “Semo drio partissipar de un evento che ndarà unir le persone.” Lu el ga dito anca: “Ndemo selebrar le Olimpìade e viver in pace e union come un sol pòpolo, anca se semo difarenti un del altro.”

 Sarà che le Olimpìade le sarà bone de far questo? Ghen’è pròpio speransa de viver in pace e union?

 Le Olimpìade de questo ano le ze de pi che sol giughi de sport. I giughi i mostra la division che ghen’è par causa dela polìtica e dele persone. Intrà arquanti problemi ghen’è i diriti dele persone, rassismo e difarense intrà le persone e par via dela religion.

 Eventi come le Olimpìade fà le persone divertirse. Ma anca le fà restar spartide e perder la pace e union.

 La Bìblia belche la disea parché saria fadiga gaver pace e union nei giorni che semo drio viver. (2 Timòteo 3:1-5) Par imparar de pi sora questa professia ledi el artìcolo “Sarà che la Bìblia la parlea de come le persone le ndaria pensar e comportarse ancoi?”

 La Bìblia la ne dà la vera speransa par un mondo de pace e union. Ela la promete che tute le persone nela Tera le ndarà viver in union soto el governo del “Regno de Dio.” — Luca 4:43; Mateo 6:10.

 El Rè de questo Regno, Gesù Cristo, el farà che ghen sìpia pace in tuta la Tera. La Bìblia la dise:

•   “Ghen sarà tanti giusti, e ghen sarà tanta pace.” — Salmo 72:7.

•   “Lu el giutarà i poareti che i fà sùplica par aiuto . . . Lu li liberarà dele persone rugne e violente.” — Salmo 72:12, 14.

 Quel che Gesù el insegna l’è belche drio unir milioni de persone in 239 paesi e posti difarenti. Le Testimònie de Geovà in tuto el mondo le ga imparà a viver in pace parché le va drio a Cristo. Par saver de pi, ledi la revista Sentinela, in portoghese, “Como parar o ciclo do ódio.”