Quando che te pensi nte una persona che la ze drio lotar contra la ansietà, a fursi te pensi in qualchedun che l’è pien de paura, che no l’è bon de ndar fora del leto o che el seita parlar dele so tante preocupassion.

 Arquante persone le se comporta cossita quando le ze drio sofrir de ansietà. Ma peschisadori i ga dito che tante persone – ancora de pi i òmini – le pol comportarse de nantra maniera. De acordo con una peschisa i òmini “i ga la disposission de doperar alcol, remedi o droghe par darghene fora con la ansietà. Alora, quel che someia un problema col alcol, in verità, pol vegner dela ansietà. E quasi sempre quando i òmini i ga ansietà i ga ràbia e i resta nervosi.”

 Gnanca tuti i òmini i se comporta dela medèsima maniera. Ma in verità, “in questi tempi crìtichi, difìcili de soportar”, cada giorno ghen’è de pi persone che le ga ansietà. (2 Timòteo 3:1) Sarà che la Bìblia la pol giutarte a darghene fora cole ansietà?

 La Bìblia la ga tanti consili de fidarse che pol giutarne quando semo ansiosi.

1.  1. “Alora, no sté mai restar ansiosi con quel che ndarà suceder doman, parché cada giorno el gavarà le so ansietà. Cada giorno el ga le so dificoltà.” — Mateo 6:34.

    Cossa che questo el vol dir: L’è bon no preocuparse massa con quel che pol suceder o nò nel futuro. Tante volte, quel che ghemo paura gnanca sucede. E arquante volte la situassion la pol cambiar par meio e assarte sorpreso.

    Proa far cossita: Ricòrdate dele situassion del passà che te eri sicuro che qualcossa de bruto ndaria suceder, ma che gnanca ga sucedesto. Dopo, pensa nela realità che te vivi, nele preocupassion che te ghè e se lore le pol pròpio deventar bruti problemi.

2.  2. “Cossita come el fero el gusa el fero, anca el omo el giuta el so amigo.” — Proverbi 27:17.

    Cossa che questo el vol dir: Altre persone le pol giutarne a darghene fora cola ansietà se le assemo. Lore le pol darne consili par saver cossa far de acordo con quel che lore le ga passà nela vita o giutarne a veder la nostra situassion de nantra maniera.

    Proa far cossita: Pensa in chi che podaria darte boni consili, fursi un amigo che el ga bio un problema compagno a quel che te sì drio infrontar. Domanda cossa che lo ga giutà e cossa che no lo ga giutà.

3.  3. “Intanto che buté sora lu tute le vostre preocupassion, parché lu el tende de valtri.” — 1 Piero 5:7.

    Cossa che questo el vol dir: Dio el se preocupa tanto con quei che i ze drio sofrir. Lu el ne convida a pregar sora tute le robe che ne assa preocupadi.

    Proa far cossita: Scrivi le robe che te assa ansioso. Dopo prega a Dio sora cada un dei problemi che te ghè scrito e domandaghe aiuto par darghene fora coi problemi.

 Dopo de dar consili sora come darghene fora cola ansietà, la Bìblia la parla che presto le nostre preocupassion no le ghen sarà pi. Come che questo ndarà suceder?

 El Regno de Dio ndarà finir fora con tute le robe che ne dà ansietà. (Apocalisse 21:4) In verità, quando questo Regno governar la Tera, no ndaremo pi ricordar e gnanca sofrir par causa dele nostre ansietà e problemi. — Isaia 65:17.

 L’è questo futuro che “el Dio che dà pace” el vol par ti. (Romani 16:20) Lu el ne promete: “Parché mi sò ben quel che penso par valtri, . . . Vui che gàpie pace, nò desgràssia, e vui darve un futuro e una speransa.” — Geremia 29:11.