1-2. Cossa el profeta Ageo el ga dito che ndaria sgorlar?

Nel ano de 2015, ga sucedesto un teremoto nel Nepal. Una persona la ga dito: “Ghe ga volesto pochi minuti par vegner do tante costrussion. Le era come una tore fata de carte.” Nantra persona la ga dito: “Tuti i ze restadi tanto spaventadi . . . Tanti i ga dito che tuto ga tremà par due minuti. Ma par mi, me parea che no’l se fermea pi.” Sicuro che se te eri là, mai te ndarissi desmentegarte de questo.

² Fà ani che tute le cità e paesi i ze drio sgorlar de una maniera difarente. El profeta Ageo el gavea dito che questo el ndaria suceder. Lu el ga dito: “Parché cossita el dise Geovà dei esèrsiti: ‘Nantra volta, in poco tempo, vao sgorlar i cieli, la tera, el mar e la tera seca.’” — Ageo 2:6.

3. Parché quel che Ageo el ga parlà l’è difarente de un teremoto?

³ Quel che Ageo el ga dito no l’è come un teremoto che sol fà suceder robe brute, parché anca el fà suceder bele robe. Geovà el ga dito: “Vao sgorlar tute le nassion e le cose pressiose de tute le nassion le va ndar rento dela me casa. Vao impienir questa casa de glòria.” (Ageo 2:7) Cossa che volea dir questa professia par le persone del tempo de Ageo? Cossa la vol dir par noantri ancoi? Ndemo veder le risposte a queste domande e saver come podemo giutar nel laoro che el fà le nassion sgorlar.

4. Cossa che Geovà el ga domandà che el profeta Ageo el fesse?

⁴ Fursi Ageo l’era intrà i giudei che i ze ndati via de Babilònia e i ze tornadi a Gerusalen in 537 vanti de Cristo. Poco tempo dopo, questi servi fedeli de Dio i ga scominsià a far su el témpio. (Esdra 3:8, 10) Ma ga sucedesto una roba tanto bruta. Arquanti nemighi li ga desanimà, e lori i se ga fermà de far su el témpio. (Esdra 4:4; Ageo 1:1, 2) Alora, in 520 vanti de Cristo, Geovà el ga mandà che Ageo el fesse un laoro tanto importante. Ageo el gavea de incoraiar i giudei a tornar a far su el témpio. * — Esdra 6:14, 15.

5. Parché che podemo dir che le parole de Ageo le ga incoraià ai giudei?

⁵ Quel che Ageo el ga dito a quel pòpolo desanimà ga fato pi forte la fede de lori in Geovà. Lu el ga dito: “‘E tuti valtri che vivé in questa tera sìpie forti e laoré’, el dise Geovà. Geovà dei esèrsiti el dise: ‘Parché mi son con valtri.’” (Ageo 2:4) Podemo dir che Ageo li ga incoraià quando el ga dito “Geovà dei esèrsiti”. Questo vol dir che Geovà el ga un grando esèrsito de àngeli poderosi che i ghe obedisse. Alora, se i giudei i se fidesse in Geovà, i saria boni de far su el témpio.

6. Cossa che ndaria suceder quando Geovà el sgorlesse le nassion?

⁶ Geovà el ga mandà dir ai giudei che lu el ndaria sgorlar tute le nassion. Questo ga assà i giudei sicuri che Geovà el ndaria sgorlar la nassion che la gavea de pi poder nela època, la Pèrsia. Cossa che ndaria suceder par causa de questo? El pòpolo de Geovà el saria bon de finir la costrussion del témpio e anca persone de altre nassion le ndaria adorar a Geovà nel témpio. Sicuro che quel che Ageo el ga dito al pòpolo de Dio li ga giutà a no restar pi desanimadi e a esser incoraiadi a seitar a far su el témpio. — Zac. 8:9.

7. Che laoro l’è drio sgorlar le nassion? Spiega.

⁷ Come che la professia de Ageo la ze drio suceder ancoi? Geovà l’è drio sgorlar le nassion nantra volta e noantri semo drio giutar a realisar questa professia. Come cossita? Nel ano de 1914, el Regno de Dio el ga scominsià a governar nel cielo e Gesù l’è deventà el Rè de questo Regno. (Sal. 2:6) Sicuro che questa la ze stata una bruta notìssia par i governanti. Parché? Parché el tempo che l’era stà dato ale nassion l’era finio, o sia, Dio el gavea un rè. (Luc. 21:24) Par quela che i servi de Dio i ze drio parlar ancora de pi, de 1919 in qua, che sol el Regno de Dio el pol dar speransa par le persone. La predicassion dele bone notìssie del Regno la ze drio sgorlar tuta la Tera. — Mat. 24:14.

8. De acordo con Salmo 2:1-3, cossa che quasi tuti i governanti i fà quando i scolta le bone notìssie?

⁸ Cossa che le persone le fà quando scolta le bone notìssie? Quasi tute no le ghe piase. (Ledi Salmo 2:1-3. *) I governanti i ze cativi e no i vol acetar el Rè che Dio el ga scoliesto. Lori i pensa che quel che predichemo no le ze “bone notìssie” e arquanti i ga fin proibio el laoro de predicassion. Tanti governanti i dise che i serve a Dio, ma par lori, la roba pi importante la ze la autorità e el poder che i ga.  Lori i fà come i governanti dela època de Gesù, parché i lota contra el Untà de Geovà e i va contra i dissìpoli fedeli de Gesù. — Ati 4:25-28.

9. Cossa che Geovà l’è drio dar a quei che no i vol scoltar le bone notìssie?

⁹ Cossa che Geovà el dise par quei che no i vol scoltar le bone notìssie? El Salmo 2:10-12 dise: ‘Adesso, valtri rè, mostré sabedoria e aceté la dissiplina, valtri giuisi dela Tera. Servì a Geovà con tanto rispeto e resté contenti. Deghe onor al fiol, cossita, la ràbia de Dio no la vegnarà sora valtri e no ndaré morir par la strada, parché de colpo el pol restar inrabià. Felici i ze tuti quei che i va in serca de lu par gaver protession.’ Geovà el ga tanto amor. Par quela, lu l’è drio darghe tempo par tuti i nemighi cambiar e acetar el so Regno. Ancoi, semo drio viver nei ùltimi giorni de questo mondo rugno e el tempo che queste persone le ga l’è drio finirse. (2 Tim. 3:1; Isa. 61:2) Alora, ghemo de far tuto quel che podemo par giutar le persone a cognosser a Geovà e scòlier servirlo.

10. De acordo con Ageo 2:7-9, cossa che ndaria suceder nei ùltimi giorni?

¹⁰ Ageo el ga dito che quando Geovà el sgorlesse le nassion, ndaria suceder anca robe bone. Lu el ga dito che le persone bone de tute le nassion le ndaria scominsiar a adorar a Geovà. * (Ledi Ageo 2:7-9. *) Anca i profeti Isaia e Michea i ga parlà che ndaria suceder robe cossita nei ùltimi giorni. — Isa. 2:2-4, nota; Mic. 4:1, 2, nota.

11. Cossa che Ken el ga fato quando el ga scoltà parlar del Regno?

¹¹ Varda el esémpio de quel che ga sucedesto col fradel Ken, che ancoi el laora nela Sede  Mondial. L’è stà intorno de 40 ani indrio che el ga scoltà parlar sora el Regno de Dio la prima volta. Ancora el se ricorda ben de come l’è stà quando el ga scoltà le bone notìssie. Lu el ga dito: “Quando go scoltà la prima volta parlar sora la Parola de Dio, son restà pròpio contento de saver che semo drio viver nei ùltimi giorni de questo mondo bruto. Mi go capio che, par far quel che ghe piase a Dio e viver par sempre, mi gavea de assar de banda questo mondo bruto e restar dela banda de Geovà. Alora, go domandà el aiuto de Geovà e go scominsià a cambiar quel che me ocorea. Go assà indrio le robe de questo mondo e go scominsià a ndar in serca dela protession del Regno de Dio, che mai el sarà destruto.”

12. Cossa l’è drio suceder nel témpio de Geovà ancoi che l’è drio darghe onor?

¹² Semo sicuri che Geovà l’è drio benedir i so servi parché tante persone le ga scominsià a adorarlo in questi ùltimi giorni. Nel ano de 1914, sol miliari de persone le fea questo, ma ancoi ghen’è de pi de oto milioni. Tanti altri milioni anca i vien ala Selebrassion dela Morte de Gesù tuti i ani. Cossita, el témpio de Geovà ancoi, o sia, la vera adorassion, el ga i cortivi pien de persone bone de tute le nassion. Sicuro che questo ghe dà onor a Geovà. Nantra roba che ghe dà onor a Geovà l’è i cambiamenti che le persone le fà par contentarlo. — Efe. 4:22-24.

13. Che altre professie le ze drio realisarse parché ghen’è de pi persone che le serve a Geovà? (Vedi la ilustrassion dela prima pàgina.)

¹³ Tute queste robe che le ze drio suceder le ze drio realisar altre professie. Una de queste la ze la professia de Isaia, capìtolo 60. El versìcolo 22 el dise: “El pìcolo el deventarà mila, e el fiaco una nassion forte. Mi, Geovà, vao far che questo suceda presto nel tempo giusto.” Cada volta de pi persone le ze drio servir a Geovà, e una roba maraveiosa la ze drio suceder par causa de questo. Queste persone le sa far tanti laori, le ga tante abilità e le ze brave nela predicassion. Isaia el ga parlà che el ‘late dele nassion’, o sia, le abilità che le persone le ga le saria doperade par Geovà. (Isa. 60:5, 16) Col aiuto de bravi fradei, el laoro de predicassion l’è drio esser fato in 240 paesi e se fà publicassion in de pi de 1.000 léngue.

14. Che scólia le persone le ga de far adesso?

¹⁴ In questi ùltimi giorni, Geovà l’è drio sgorlar le nassion. Par quela, tuti i ga de scòlier se i va restar dela banda del governo de Dio o dei governi dei òmini. Sicuro che noantri obedimo ale lege dei governi, ma no femo parte dela polìtica. (Rom. 13:1-7) Femo questo parché savemo che el Regno de Dio no’l fà parte de questo mondo e che sol questo Regno el ndarà finir con tuti i problemi. — Gioani 18:36, 37.

15. El libro de Apocalisse el parla de che granda prova de lealtà?

¹⁵ El libro de Apocalisse el dise che nei ùltimi giorni, tuti i servi de Geovà i infrontaria una granda prova de lealtà. I governi i ndaria perseghir a quei che no i volesse adorarli e giutarli. (Apo. 13:12, 15) Lori i ndaria far ‘che tuti, i pìcoli e grandi, siori e poareti, lìberi o schiavi, i ricevesse una marca nela man drita o nela fronte’. (Apo. 13:16) Nel passà, i schiavi i ricevea una marca par mostrar chi che l’era so paron. Dela medèsima maniera, le persone ndove semo de star le volerà che tuti i riceva una marca. Lore le volerà che tuti i mostre par meso de quel che i pensa e i fà che i ze dela banda dei governi.

16. Parché che volemo esser sicuri che semo pròpio leai a Geovà?

¹⁶ E noantri? Ndaremo ricever questa marca? Ndaremo restar dela banda dei governi umani? Quei che no i farà questo i ndarà infrontar dificoltà e perseghission. El libro de Apocalisse el parla che sol quei che i gavarà la marca i podarà comprar e vender. (Apo. 13:17) Ma i servi de Dio anca i sa cossa che Geovà el ndarà far con quei che i ga la marca de Apocalisse 14:9, 10. Par quela che lori i volerà scriver nele so man: “Mi son de Geovà.” (Isa. 44:5) Alora, volemo esser sicuri che semo pròpio leai a Geovà, e lu el restarà tanto contento de dir che l’è nostro Dio.

17. Cossa ghemo de ricordarse sora la passiensa de Geovà?

¹⁷ In questi ùltimi giorni, Geovà l’è drio mostrar passiensa parché no’l vol che nissun sìpia destruto. (2 Pie. 3:9) Lu l’è drio dar la oportunità a tuti de ciamarse grami e far la scòlia giusta. Ma lu no’l va spetar par sempre. A quei che no i se ciama grami ndarà suceder la medèsima roba che ga sucedesto con Faraò, nei giorni de Moisè. Geovà el ga dito a Faraò: ‘Parché mi podaria belche gaver doperà la me man par atacar ti e el to pòpolo con una bruta piaga e te sarissi stà belche finio fora dela tera. Ma l’è par quela che mi te go assà vivo: par farte veder el me poder e cossita tuti i va parlar del me nome in tuta la tera.’ (Éso. 9:15, 16) Tute le persone dela Tera le gavarà de capir che Geovà l’è el ùnico vero Dio. (Eze. 38:23) Come questo ndarà suceder?

18. (a) Sora che altro sgorlon Ageo 2:6, 20-22 el parla? (b) Come che savemo che le parole de Ageo anca le ndarà realisarse nel futuro?

¹⁸ Sentene de ani dopo dela morte de Ageo, el apòstolo Paolo el ga dito che le parole de Ageo 2:6, * 20-22 * le ndaria realisarse anca nel futuro. (Ledi.) Paolo el ga dito: “Adesso lu el ga prometesto: ‘Nantra volta ndarò sgorlar no sol la tera, ma anca el cielo.’ ‘Nantra  volta’ vol dir destruser le robe fate che no le ze firme. Cossita, ndarà restar le robe che no le sarà destrute.” (Ebr. 12:26, 27) Questo sgorlon el ndarà destruser tuti quei che, come Faraò, no i acetarà Geovà come so governante. Alora, questo sgorlon no l’è compagno a quel che dise in Ageo 2:7.

19. Cossa che restarà firme, e come savemo de questo?

¹⁹ Cossa che restarà firme e mai el sarà destruto? Paolo anca el ga dito: ‘Ndaremo ricever el Regno che el restarà firme, alora seitemo a servir a Dio par meso dela so bontà che no meritemo. Par causa de questa bontà, podemo servir a Dio dela maniera che ghe piase a lu e con tanto rispeto.’ (Ebr. 12:28) Dopo de questo grando sgorlon, ghen sarà sol el governo de Dio. Lu el seitarà firme e forte! — Sal. 110:5, 6; Dan. 2:44.

20. (a) Che scólia le persone le ga de far? (b) Come che podemo giutarle a far la scólia giusta?

²⁰ Adesso le persone le ga de scòlier se le vol far quel che ghe piase a Dio, o nò. Se lore le scòlie servi a Dio, le ndarà viver par sempre, e senò, le sarà destrute. (Ebr. 12:25) Par meso del laoro de predicassion, podemo giutar le persone a far questa scólia. Alora, ghemo de seitar a giutar le persone bone a scòlier la banda del Regno de Dio e ricordarse dele parole del nostro Signor Gesù: “E queste bone notìssie del Regno le sarà predicade in tuta la tera abitada in testimònio a tute le nassion, e alora vegnerà el fin.” — Mat. 24:14.