LESSION 25
Parché che Dio el ne ga fato?
La Bìblia la dise che le persone le vive poco tempo e che le ga tanti pensieri. (Giò 14:1) Sarà che Dio el volea che le persone le vivesse cossita? Parché che Dio el ga fato le persone? Sarà che ancora ndarà suceder quel che Dio el vol? Te restarè contento de imparar le risposte dela Bìblia.
1. Come che Geovà el vol che vivemo?
Geovà el vol che ghemo una vita tanto felice. Par quela che el ga metesto Adon e Eva nte un paradiso qua nela Tera, che el gavea nome giardin del Èden. Dopo, Dio el ga benedio Adon e Eva e el ga mandà che i gavesse tanti fioi, che i impienisse la Tera e che i la tendesse. (Génesi 1:28) Alora, Geovà el volea che le persone le gavesse fioi, le vivesse nte un paradiso e le tendesse dele bèstie. Lu anca el volea che tute le persone le gavesse una bona salute e le vivesse par sempre.
Ancoi, la vita no la ze come Dio el volea, ma lu no’l ga cambià de idea. a (Isaia 46:10, 11) Lu ancora el vol che quei che obedisse a lu i viva par sempre e i gàpia una vita perfeta. — Ledi Apocalisse 21:3, 4.
2. Come che podemo esser felici anca adesso?
Tuti noantri ghemo bisogno de cognosser a Dio e de adorarlo parché lu el ne ga fato cossita. (Ledi Mateo 5:3-6.) Dio el vol che ghemo una forte amicìssia con lu. (Salmo 25:14) Lu anca el vol che lo obedimo, lo amemo e lo servimo de tuto el cuor. (Deuteronómio 10:12) Se femo queste robe, saremo drio viver come Dio el vol. Alora, gavaremo una bela vita e saremo felici anca quando infrontemo problemi.
IMPARA DE PI!
Dio el ga parecià la Tera par noantri con amor. Come che lo savemo? Parché che Dio el ne ga fato?
3. Geovà el vol che noantri semo tanto felici!
Vardé el VÌDEO, e dopo, parlé sora questo:
-
Parché che Dio el ga creà la Tera?
Ledé Eclesiasti 3:11, e dopo, parlé sora questo:
-
Cossa che imparemo sora Geovà in questo testo?
4. Quel che Dio el vol par le persone no’l ga cambià
Ledé Salmo 37:11, 29 e Isaia 55:11, e dopo, parlé sora questo:
-
Come savemo che quel che Dio el vol par le persone no’l ga cambià?
Se una casa la ze rovinada, podemo rangiarla. Le persone le ze drio rovinar la Tera, ma Geovà el ndarà rangiarla. Cossita, quei che Geovà el ama i viverà nte una bela Tera.
5. Noantri ghemo una bela vita quando adoremo a Geovà
Quando capimo parché che Dio el ne ga fato, semo pi felici. Vardé el VÌDEO, e dopo, parlé sora questo:
-
Cossa ga sucedesto con Terumi dopo che la ga capio parché Dio el ne ga fato?
Ledé Eclesiasti 12:13, e dopo, parlé sora questo:
-
Come podemo mostrar che demo valor a tuto quel che Dio el ga fato?
FURSI QUALCHEDUN EL TE DOMANDE: “Parché semo vegnesti al mondo?”
-
Cossa che te ndarissi risponder?
COSSA CHE TE GHÈ IMPARÀ?
Geovà el vol che vivemo par sempre e che ghemo una vita perfeta. Se adoremo a Geovà de tuto el nostro cuor, semo felici anca adesso.
Sito bon de ricordarte?
-
Come che Geovà el volea che Adon e Eva i vivesse?
-
Come che savemo che quel che Dio el vol no’l ga cambià?
-
Come che te pol esser felice anca adesso?
VUTO SAVER DE PI?
Come savemo che Dio el ga pròpio fato el giardin del Èden?
“El giardin del Èden l’è sol una stòria?” (La Sentinela, 1 de genaro de 2011)
Cossa ne assa sicuri che la Tera no la sarà mai destruta?
Parché che semo qua? Varda cossa la Bìblia la dise.
John el pensea che l’era felice, ma dopo el ga capio che ghe manchea qualcossa. Varda cossa che lo ga fato capirlo.
a Nela pròssima lession, te ndarè imparar parché che ancoi la nostra vita no la ze mia cossita.
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
