LESSION 02
La Bìblia la ne dà speransa!
Le persone in tuto el mondo le infronta tanti problemi e par causa de questo le resta desanimade, con ansietà e le sofre. Anca ti te sì drio sofrir? Pol esser che te sì drio infrontar una malatia o l’è morto qualchedun che te ami. Fursi te te domandi: ‘Sarà sempre cossita?’ Te ndarè restar contento con quel che la Bìblia la dise.
1. Che speransa la Bìblia la ne dà?
La Bìblia la spiega parché che ghen’è tanto sofrimento, ma anca la parla che el sofrimento el ndarà finirse suito. Le promesse dela Bìblia le pol ‘dar a noantri un futuro e una speransa’. (Ledi Geremia 29:11, 12) Le promesse le giuta noantri a infrontar i nostri problemi ancoi e a saver come viver meio. Anca le pol giutar noantri a esser pi felici adesso e par sempre.
2. Cossa che la Bìblia la promete par el futuro?
La Bìblia la dise che un giorno “no ghen sarà pi la morte, gnanca pi tristessa, gnanca piander, gnanca dolor”. (Ledi Apocalisse 21:4.) Par quela, no ghen sarà pi le robe che le fà le persone sofrir. Par esémpio, no ghen sarà pi le malatie, la morte, ingiustìssie e nissun pi sarà poareto. Alora, tute le persone le sarà contente de viver par sempre nte un Paradiso qua nela Tera.
3. Come te pol esser sicuro che tuto quel che la Bìblia la dise ndarà suceder?
Le persone le speta che le robe le càmbie par meio, ma no le sa se le ndarà pròpio suceder. Ma podemo esser sicuri che quel che la Bìblia la dise sora el futuro ndarà suceder. Come che podemo saver de questo? Se noantri la studiemo con tanta atension. (Ati 17:11) Studiar la Bìblia ndarà giutarte a capir se quel che la dise ndarà suceder o nò.
IMPARA DE PI!
Che promesse de Dio la Bìblia la ga par el futuro? Come che queste promesse le ze drio giutar tante persone?
4. La Bìblia la promete che podemo viver par sempre sensa sofrir
Qua soto ghen’è tante promesse dela Bìblia. Quala che te piase de pi? Parché che te ghè scoliesto questa?
Ledé i testi dela Bìblia e dopo, parlé sora questo:
-
Queste promesse le te ga dato speransa? Queste promesse le pol giutar a qualchedun dela to fameia o a un amigo?
Proa imaginar viver ndove:
|
NISSUN PI NDARÀ . . . |
TUTI I NDARÀ . . . |
|---|---|
|
|
|
|
|
|
|
|
|
|
5. Le promesse dela Bìblia le pol giutar a tuti noantri
Tante persone le ze cative e stufe de veder tante robe brute che ghen’è nel mondo. Ghen’è persone che le proa far tante robe par cambiar el mondo. Ma varda come che le promesse dela Bìblia le ze belche drio giutar le persone a viver meio adesso. Vardé el VÌDEO, e dopo, parlé sora questo:
-
Cossa che assea Rafika disgustada?
-
Rafika no la ze stata bona de cambiar quel che la volea. Ma come che la Bìblia la ghe ga giutà?
La speransa che ghen’è nela Bìblia la pol giutarne a dàrghene fora col desànimo e a infrontar i nostri problemi. Ledé Proverbi 17:22 e Romani 12:12, e dopo, parlé sora questo:
-
Te pensi che la speransa che ghen’è nela Bìblia la pol giutarte a viver meio? Parché che te pensi cossita?
FURSI TE GHÈ BELCHE SCOLTÀ: “Le promesse dela Bìblia le ze bone, ma no le ndarà suceder.”
-
Parché che l’è importante saver se le promesse dela Bìblia le ndarà pròpio suceder?
COSSA CHE TE GHÈ IMPARÀ?
Le bele promesse dela Bìblia le ne dà speransa e questa speransa la ne giuta a infrontar i nostri problemi.
Sito bon de ricordarte?
-
Parché che le persone le ga bisogno de speransa?
-
Cossa che la Bìblia la dise sora el futuro?
-
Come che la speransa dela Bìblia la pol giutarte a viver meio?
VUTO SAVER DE PI?
De che altre maniere la speransa dela Bìblia la pol giutarte?
“Come che te pol gaver speransa?” (Despertai! 22 de april de 2004)
Come che la speransa dela Bìblia la pol giutar a quei che i ga una bruta malatia?
“La Bìblia la pol giutarte a viver con una malatia che no la ga cura?” (Varda nel jw.org)
Intanto che te vedi el vìdeo musical, proa imaginar ti e la to fameia contenti nel Paradiso.
Come che la speransa dela Bìblia la ga giutà un omo che el volea cambiar el mondo?
“No penso pi che go de cambiar el mondo” (La Sentinela, 1 de lùlio de 2013)
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
