Geovà * Dio el ga fato el primo matrimònio. La Bìblia la dise che Lu el ga creà la prima dona e “la ga data al omo”. Adon l’è restà tanto contento che el ga dito: “Questa la ze par fin osso dei me ossi e carne dela me carne.” (Génesi 2:22, 23) Geovà ancora el vol che i maridadi i sìpia felici.

Quando se maridemo, pensemo che tuto el sarà perfeto. Ma l’è vera che anca un sposo e una sposa che i se ama i gavarà problemi. (1 Corinti 7:28) In questa revista, podé catar arquanti prinsipi dela Bìblia che, se li meté in pràtica, i pol far felici el vostro matrimònio e la vostra fameia. — Salmo 19:8-11.

COSSA CHE LA BÌBLIA LA DISE: El sposo l’è el paron dela fameia. — Efesi 5:23.

Se te sì un sposo, Geovà el vol che ti te tendi ben dela to sposa. (1 Piero 3:7) Dio la ga creà come qualchedun che el te completa e el vol che ti te la trati con dignità e amor. (Génesi 2:18) Te ghè de amar tanto la to sposa che te ghè de meter i so interessi vanti dei toi. — Efesi 5:25-29.

Se te sì una sposa, Geovà el vol che ti te ghe dè rispeto pròpio tanto al to sposo e che te lo giuti a far la so parte come paron dela fameia. (1 Corinti 11:3; Efesi 5:33) Te ghè de apoiar de tuto cuor le so dessision. (Colossensi 3:18) Se te fè cossita, ti te sarè pressiosa ai oci del to sposo e de Geovà. — 1 Piero 3:1-6.

COSSA CHE PODÉ FAR:

• Domàndaghe al to sposo o sposa cossa che te pol far par esser un sposo o una sposa meio. Scolta con atension e sfòrsate par meter in pràtica le sugestion.

• Gavé de esser passienti. Ghe vol tempo par imparar come far felici un al altro.

COSSA CHE LA BÌBLIA LA DISE: Gavé de star atenti ai interessi del vostro sposo o dela vostra sposa. (Filipensi 2:3, 4) Gavé de tratar el vostro sposo o sposa come pressioso e ricordeve che Geovà el vol che i so servi i sìpia ‘gentili con tuti’. (2 Timòteo 2:24) “Parole sensa pensar le fà mal come colpi de una spada, ma la léngua dei sabi la ze una cura.” Alora, gavé de scòlier ben le vostre parole. (Proverbi 12:18) El spìrito de Geovà el ve giutarà a parlar con bontà e amor. — Gàlati 5:22, 23; Colossensi 4:6.

COSSA CHE PODÉ FAR:

• Vanti de parlar de una roba importante col vostro sposo o sposa, preghé par esser boni de mantegner la calma e gaver una mente verta.

• Pensé ben cossa che ndaré dir e come che lo ndaré dir.

COSSA CHE LA BÌBLIA LA DISE: Quando ve gavé maridà, sé deventadi “una sola carne” col vostro sposo o sposa. (Mateo 19:5) Ma valtri sé ancora due persone difarenti che le pensa difarente. Alora, gavé de imparar a esser unidi nela medèsima maniera de pensar e nei vostri sentimenti. (Filipensi 2:2) Quando valtri fè dessision, l’è importante che valtri sé unidi. La Bìblia la dise: “Quando se parla, quel che se vol far ndarà ben.” (Proverbi 20:18) Quando fé dessision importante insieme, assé che i prinsipi dela Bìblia i ve oriente. — Proverbi 8:32, 33.

COSSA CHE PODÉ FAR:

• Gavé de parlar col vostro sposo o sposa dei vostri sentimenti, nò sol de informassion o opinion.

• Vanti de combinar qualcossa, parlé col vostro sposo o sposa.