29 de april–5 de maio
SALMI 34-35
Càntico 10 e orassion | Cossa che ndaremo imparar ancoi? (1 min)
1. “Vao lodar a Geovà tuto el tempo”
(10 min)
Davi el ga lodà a Geovà anca quando el infrontea dificoltà. (Sal. 34:1; Sentinela 01/03/07 pàg. 22 paràg. 11)
Davi no’l se sprosiea de quel che el fea, ma el ghe dea la glòria a Geovà. (Sal. 34:2-4; Sentinela 01/03/07 22 paràg. 13)
I lodi che Davi el dea a Geovà i incoraiea i so amighi. (Sal. 34:5; Sentinela 01/03/07 pàg. 23 paràg. 15)
Dopo che Davi el ga scampà via de Abimeleche, 400 òmini che no i era contenti col governo de Saul i ze restadi dela banda de Davi nel deserto. (1 Sam. 22:1, 2) Pol esser che Davi li gavea in mente quando el ga scrito questo salmo. — Sal. 34, descrission del scomìnsio del verso.
DOMANDATE: ‘Nela pròssima riunion, come che posso lodar a Geovà con quel che parlo?’
2. Va in serca de lession pressiose dela Bìblia
(10 min)
-
Sal. 35:19 — Cossa vol dir quel che Davi el ga domandà a Geovà? (Sentinela 15/05/06 pàg. 20 paràg. 1)
-
Che lession pressiose te ghè imparà nela letura de questa stimana?
3. Letura
4. Come scominsiar a parlar cola persona
(2 min) PREDICASSION INFORMAL. La ciàcola la se finisse vanti de predicar ala persona. (Ama le persone lession 1 punto 4)
5. Come seitar a parlar cola persona
(4 min) PREDICASSION INFORMAL. (Ama le persone lession 2 punto 4)
6. Come spiegar quel che te credi
(5 min) Dimostrassion. Viver felice par sempre! lession 44 punti 1-3 — Tema: Come che le Testemònie de Geovà le desside se le va selebrar un feriado o nò? (Sfòrsate lession 17)
Càntico 9
7. Tre maniere de lodar a Geovà nele riunion
(15 min) Discorso con arquante domande.
Nele nostre riunion, ghemo tante oportunità de lodar a Geovà. Vedemo tre maniere che podemo farlo.
Quando te parli coi altri, proa parlar dela bontà de Geovà. (Sal. 145:1, 7) Proa rivar arquanti minuti prima de scominsiar la riunion par esser bon de parlar coi altri. Gheto sentio o ledesto qualcossa che te ga giutà? Gheto bio una bona speriensa nela predicassion? Sito stà incoraià par meso de qualcossa che una persona la ga dito o la ga fato? Sito restà maraveià quando te ghè visto qualche creassion? Tute queste robe le ze presente de Geovà. — Tia. 1:17
Proa comentar al manco una volta in cada riunion. (Sal. 26:12) Te pol dar la risposta prinsipal ala domanda, parlar de nantro punto, de un testo dela Bìblia, dele stampe o de come meter in pràtica quel che imparemo. Fursi altre persone le ndarà alsar la man quando ti te alsi, alora proa pareciar diverse risposte. Se femo comentari de 30 secondi o manco anca altri i podarà ‘dar a Dio un sacrifìssio de lode’ coi so comentari. — Ebr. 13:15
Canta de tuto el cuor nele riunion. (Sal. 147:1) Pol esser che no te sì bon de far comentari in tute le riunion, ancora de pi se la to congregassion la ze granda. Ma te pol sempre cantar i càntichi, anca se te pensi che no te lo fè ben. Geovà el resta tanto contento quando te fè el to meio par cantar! (2 Cor. 8:12) Alora, proa trenar i càntichi quando te sì casa.
Mostra el VÌDEO La nostra stòria — Cantando a Geovà — Parte 1. Dopo, fà la domanda:
Del scomìnsio dela stòria dela nostra organisassion, come che mostremo che cantar a Geovà l’è importante?
