Se qualchedun el te domandasse parché che te credi che Dio el ga creà tute le robe, cossa che ti te risponderia? Par risponder a questa domanda e mostrar ala persona che te sì sicuro che te credi pròpio, te toca far due robe. Prima, te ghè de provar a ti stesso che Dio el ga creà tute le robe. (Romani 12:1, 2) Dopo, te ghè de pensar come che ti te spiegaria quel che ti te credi. — Proverbi 15:28.

VARDA I VÌDEI UNA DOTORA CHE OPERA I OSSI LA SPIEGA PARCHÉ CHE LA CREDE IN DIO E UN STUDIOSO DEI ANIMAI EL SPIEGA PARCHÉ CHE EL CREDE IN DIO, PAR SAVER PARCHÉ CHE ALTRE PERSONE LE CREDE NELA CREASSION, E DOPO RISPONDI A QUESTE DOMANDE:

• Parché che Irène Hof Laurenceau la crede nela creassion invesse de creder nela evolussion?

• Parché che Yaroslav Dovhanych el crede nela creassion invesse de creder nela evolussion?

• Come che ti te spiegaria par una persona parché che ti te credi che Dio el ga creà tute le robe?

• Che aiuti la organisassion de Geovà la ne dà par giutarne a provar che Dio el ga creà tute le robe?