Mudzimu U Na Madzina Mangana?

TAMBANI

Bivhili i a fhindula

Mudzimu u na dzina ḽithihi fhedzi. Nga Luheberu ndi יהוה nahone nga Luvenḓa ndi “Yehova.” a A tshi shumisa muporofita wawe Yesaya, Mudzimu o ri: “Ndi Nṋe Yehova, ndi ḽone dzina ḽanga.” (Yesaya 42:8) Ḽeneḽi dzina ḽi bvelela lu ṱoḓaho u vha lwa 7 000 kha maṅwalwa a kale a Bivhili—u fhira dzina zwaḽo naho ḽi ḽifhio ḽa Mudzimu kana dzina ḽa muthu naho e ufhio. b

Naa Yehova u na maṅwe madzina?

Naho Bivhili i tshi ri vhudza nga ha dzina ḽithihi fhedzi ḽa Mudzimu, i shumisa na madzina zwao manzhi musi i tshi ambela khae. Mutevhe u tevhelaho wa maṅwe a eneo madzina zwao u sumbedza nḓila ine dzina zwaḽo ḽiṅwe na ḽiṅwe ḽa sumbedza ngayo vhumuthu ha Yehova.

Dzina zwaḽo	Luṅwalo	Zwine ḽa amba
Allah	(A hu na)	Ipfi “Allah” ḽine ḽa bva kha Luarabu a si dzina ḽa vhukuma, fhedzi ndi dzina zwaḽo ḽine ḽa amba “Mudzimu.” Ṱhalutshedzelo dza Bivhili dza Luarabu na nga dziṅwe nyambo dzi shumisa ipfi “Allah” u ambela kha “Mudzimu.”
Ramaanḓa-oṱhe	Genesi 17:1	U na maanḓa mahulwane. Mubulo wa Luheberu ʼEl Shad·daiʹ, “Mudzimu, Ramaanḓa-oṱhe,” ḽi bvelela lwa sumbe Bivhilini.
Alfa na Omega	Nzumbululo 1:8; 21:6; 22:13	“Wa u thoma na wa u fhedzisela,” kana “mathomo na magumo,” zwine zwa amba uri nga nnḓa ha Yehova a ho ngo vhuya ha vha na Mudzimu Ramaanḓa-oṱhe nahone a nga si tsha vha hone. (Yesaya 43:10) Alfa ndi ḽeḓere ḽa u thoma ḽa alifabethe dza Lugerika nahone omega ndi ḽa u fhedzisela.
Wa-Kale Wa-Maḓuvha	Daniele 7:9, 13, 22	Ha na mathomo; o ḓi vha hone hu sa athu u vha na muṅwe muthu kana tshiṅwe tshithu.—Psalme ya 90:2.
Musiki	Yesaya 40:28	O sika zwithu zwoṱhe.
Khotsi	Mateo 6:9	Muṋei wa vhutshilo.
Mudzimu	Genesi 1:1	Tshithu tshine tsha gwadamelwa; a re na maanḓa. Ipfi ḽa Luheberu ʼElo·himʹ ḽi kha vhunzhi, zwine zwa sumbedza vhuhulu, tshirunzi kana vhuḓi ha Yehova.
Mudzimu wa midzimu	Doiteronomio 10:17	Mudzimu muhulwane, o fhambanaho na “midzimu i sili” ine ya gwadamelwa nga vhaṅwe.—Yesaya 2:8.
Mulai Muhulwane	Yesaya 30:20, 21	U gudisa na u ṋea vhulivhisi vhu vhuyedzaho.—Yesaya 48:17, 18.
Muvhumbi Muhulwane	Psalme ya 149:2	O sika zwithu zwoṱhe.—Nzumbululo 4:11.
Mudzimu O Takalaho	1 Timotheo 1:11	U ṱaluswa sa o takalaho.—Psalme ya 104:31.
Mupfi Wa dzithabelo	Psalme ya 65:2	U thetshelesa thabelo dza vha re na lutendo khae.
Ndi Nṋe Ndi Re Hone	Ekisodo 3:14	U vha zwine zwa ṱoḓea u itela u ḓadzisa ndivho yawe. Wonoyu mubulo u dovha wa ṱalutshedzelwa nga uri “Ndi Ḓo Vha Zwine Nda Nanga U Vha Zwone.” (New World Translation) Yeneyi ṱhaluso i thusa u ṱalutshedza dzina Yehova ḽi re kha ndimana i tevhelaho.—Ekisodo 3:15.
Vivho	Ekisodo 34:14, King James Version	Ha konḓeleli vhathu vhane vha mu shumela vha sa fulufhedzei. Ḽeneḽi dzina zwaḽo ḽo dovha ḽa ṱalutshedzelwa nga uri “u ḓivhelwa u ṱoḓa u ḓikumedza tshoṱhe khae.”—New World Translation.
Khosi ya lini na lini	Nzumbululo 15:3	Vhuvhusi hawe a vhu na mathomo kana magumo.
Murena	Psalme ya 135:5	Muṋe; nga Luheberu ʼA·dhohnʹ na ʼAdho·nimʹ.
Murena wa Mavhuthu	Yesaya 1:9; Vharoma 9:29, Bivhili ya Luvenḓa	Mulangi wa mavhuthu a vharuṅwa. Ḽeneḽo dzina zwaḽo ḽi nga dovha ḽa ṱalutshedzelwa nga uri “Yehova wa mavhuthu [a ṱaḓulu].”—Vharoma 9:29.
Wa-Ṱaḓulu-ṱaḓulu	Psalme ya 47:2, NW	Ndi wa vhuimo ha nṱha vhukuma.
Mukhethwa-khethwa	Mirero 9:10, NW	Ndi mukhethwa vhukuma (o kunaho kha vhuḓifari) u fhira naho e nnyi.
Muvhumbi	Yesaya 64:8	U na ndugelo ya u vhusa vhathu na dzitshaka, u fana na muvhumbi a tshi langa vumba.—Vharoma 9:20, 21.
Mulamuleli, Murengululi	Yesaya 41:14; NW	U rengulula vhathu kha tshivhi na lufu nga tshiṱhavhelo tshi rengululaho tsha Yesu Kristo.—Yohane 3:16.
Tombo	Psalme ya 18:2, 46	Ndi vhukhudo na mutshidzi.
Mutshidzi	Yesaya 45:21	U tshidza khomboni kana ndozwoni.
Mulisa	Psalme ya 23:1	U ṱhogomela vhashumeli vhavho.
Murena Muvhusahoṱhe	Genesi 15:2, NW	U na maanḓa mahulu; nga Luheberu ʼAdho·naiʹ.
Wa-Ṱaḓulu	Daniele 7:18, 27	Muvhusi muhulwane vhukuma.

Madzina a fhethu Maṅwaloni a Luheberu

Maṅwe madzina a fhethu a re Bivhilini a katela na dzina ḽa Mudzimu, fhedzi a si maṅwe madzina a Mudzimu.

Dzina ḽa fhethu	Luṅwalo	Zwine ḽa amba
Yehova-dzhaire	Genesi 22:13, 14, NW	“Yehova u ṋea zwine zwa ṱoḓea.”
Yehova-nisi	Ekisodo 17:15, NW	“Yehova Ndi Dzhavhelo Ḽanga.” Yehova ndi Mudzimu ane vhathu vhawe vha nga ḓitika ngae musi vha tshi ṱoḓa tsireledzo na thuso.—Ekisodo 17:13-16.
Yehova-shalomo	Vhahaṱuli 6:23, 24, NW	“Yehova Ndi Mulalo.”
*Jehovah-shammah*	Hesekiele 48:35, footnote, American Standard Version	“Yehova U Fhano.”

Zwiitisi zwa u ḓivha na u shumisa dzina ḽa Mudzimu

Mudzimu u dzhia dzina ḽawe Yehova ḽi ḽa ndeme ngauri o ita uri ḽi ṅwalwe lunzhi-lunzhi Bivhilini.—Maleaxi 1:11.
Yesu, Murwa wa Mudzimu o ombedzela lunzhi-lunzhi ndeme ya dzina ḽa Mudzimu. Sa tsumbo, o rabela Yehova a ri: “Dzina ḽau nga ḽi itwe ḽikhethwa.”—Mateo 6:9; Yohane 17:6.
Vhane vha ḓivha na u shumisa dzina ḽa Mudzimu vha vha vha tshi khou thoma u vha na vhushaka na Yehova. (Psalme ya 9:10; Maleaxi 3:16) Honoho vhushaka vhu ita uri vha vhuyelwe nga fulufhedziso ḽa Mudzimu ḽine ḽa ri: “Ndi ḓo mu tshidza ngauri o nnambatela; ndi ḓo mu khudisa ngauri u ḓivha dzina ḽanga.”—Psalme ya 91:14.
Bivhili i a tenda uri: “Hu na zwine zwa vhidzwa ‘midzimu,’ ṱaḓulu kana kha ḽifhasi, samusi hu na ‘midzimu’ minzhi na ‘marena’ manzhi.” (1 Vhakorinta 8:5, 6) Naho zwo ralo, i ṱalula Mudzimu wa ngoho e eṱhe nga dzina ḽawe, Yehova.—Psalme ya 83:18.

a Vhaṅwe vhagudi vha Vhaheberu vha takalela u shumisa dzina ḽa Mudzimu “Yahweh.”

b Dzina ḽa Mudzimu ḽo pfufhifhadzwaho “Yah,” ḽi bvelela lu ṱoḓaho u vha lwa 50 Bivhilini, u katela na u shumiswa haḽo kha ipfi “Haleluya,” ḽine ḽa amba “Rendani Yah.”—Nzumbululo 19:1.

Zwine Zwa Tshimbidzana

Mudzimu Mbudziso Dza Bivhili Dzo Fhindulwa

Ṱhanzi dza Yehova

Mudzimu U Na Madzina Mangana?

Bivhili i a fhindula

Naa Yehova u na maṅwe madzina?

Madzina a fhethu Maṅwaloni a Luheberu

Zwiitisi zwa u ḓivha na u shumisa dzina ḽa Mudzimu

Zwine Zwa Tshimbidzana

You May Also Like

Yehova Ndi Nnyi?

Naa Mudzimu u na Dzina?

“Alfa na Omega” Ndi Nnyi Kana Ndi Mini?

Humbelani U Dalelwa