Paseka ya u thoma yo vha i ya ndeme vhukuma. Nga eneo madekwana musi Farao a tshi wanulusa uri ṅwana wawe wa tanzhe o fa, o mbo ḓi vhudza Mushe u ri: “Vuwani, ni ṱuwe vhukati ha vhathu vhanga, inwi khathihi na vhaṅwe Vhaisiraele. Ṱuwani ni ye u shumela Yehova vhunga no amba.” (Ek 12:31) Yehova o sumbedza uri u a thusa vhathu vhawe.

Musi ri tshi sedza zwo iteaho kha vhathu vha Yehova musalauno, zwi khagala uri u khou bvela phanḓa na u vha livhisa na u vha tsireledza. Muziamu u re ngei Warwick u re na tshiṱoho tshine tsha ri: “Vhathu Vhane Vha Imela Dzina Ḽa Yehova,” u bvisela khagala yeneyi mbuno.

ṰALELANI VIDIO INE YA RI: U DALELA MUZIAMU NGEI WARWICK: “VHATHU VHANE VHA IMELA DZINA ḼA YEHOVA,” NGA MURAHU NI FHINDULE MBUDZISO DZI TEVHELAHO:

• Ndi tshishumiswa tshiswa tshifhio tshe Vhagudi vha Bivhili vha tshi shumisa mathomoni a 1914 u itela u khwaṱhisedza uri Bivhili ndi ipfi ḽa Mudzimu nahone tsho shuma hani?

• Vhahashu vho lingwa hani lutendo nga 1916 na 1918 nahone Yehova o sumbedza hani uri u khou livhisa ndangulo yawe?

• Vhathu vha Yehova vho dzula hani vha tshi fhulufhedzea hu sa londwi u pikiswa?

• Nga 1935, vhathu vha Yehova vho thoma u pfesesa mini nga nḓila ntswa nahone zwo vha kwama hani?

• Arali no no vhuya na dalela wonoyu muziamu, ndi mini zwe na zwi vhona zwo itaho uri ni sa timatime uri Yehova u khou livhisa na u tsireledza vhathu vhawe?