Ndi nyimbo dzifhio dze dza bva kha JW Broadcasting dzine na dzi takalela? Ndi ngani ni tshi dzi takalela? Ni vhona u nga vidio dzadzo dzi sumbedza nḓila ine ra tshila ngayo ḓuvha na ḓuvha? Roṱhe ri nga vha ri na luimbo lune lwa ri kwama, ngauri mizika ya hone yo itwa nga nḓila dzi sa fani nahone nyimbo dza hone dzi amba nga ha zwithu zwo fhambananaho. Ndi ngoho uri nyimbo dzine dza bva kha JW Broadcasting na vidio dza muzika zwo itelwa uri ri ḓimvumvuse, fhedzi dzi a ri vhuyedza na nga dziṅwe nḓila.

Luimbo luṅwe na luṅwe lu ri funza nḓila ine ra nga tshila ngayo sa Vhakriste na zwine ra nga zwi ita musi ri tshi huwelela. Kha dziṅwe nyimbo ri guda nga ha u ṱanganedza vhaeni, vhuthihi, vhukonani, u vha na tshivhindi, u funa vhaṅwe kana u vha na lutendo. Dziṅwe dzi amba nga ha u vhuyelela kha Yehova, u hangwelana, u dzula ri tshi fhulufhedzea na u ṱoḓa dziṅwe nḓila dzo engedzeaho dza u shumela Yehova. Hu na luimbo lu ambaho nga ha u linganyisela musi ri tshi shumisa founu dzashu. Ndi zwifhio zwiṅwe zwe na zwi guda kha nyimbo dzo bvaho kha JW Broadcasting?

ṰALELANI VIDIO YA LUIMBO LWO BVAHO KHA JW BROADCASTING LUNE LWA RI: JUST AROUND THE CORNER, NGA MURAHU NI FHINDULE MBUDZISO DZI TEVHELAHO:

• Ndi dzifhio phaṱhutshedzo dze vhaaluwa vha vha vha tshi khou humbula nga hadzo?—Gen 12:3

• Ri nga ita mini uri ri vhe na lutendo lwo khwaṱhaho lwa uri Yehova u ḓo ita zwe a fhulufhedzisa?

• Hu si kale, vhathu vha ḓo takalela u ṱanganedza vhafhio?

• Zwine Muvhuso wa Mudzimu wa ḓo ri itela zwone zwi ri khwaṱhisa hani naho ri na thaidzo zwazwino?—Rom 8:25