Naa u vhala ndimana ya ḓuvha na ṱhaluso ya yeneyo ndimana kha bugwana U Ṱolisisa Maṅwalo Ḓuvha Ḽiṅwe na Ḽiṅwe ndi tshiṅwe tsha zwithu zwine na zwi ita ḓuvha ḽiṅwe na ḽiṅwe u itela u khwaṱhisa vhushaka haṋu na Yehova? Arali ni sa zwi iti, ni nga lingedza u zwi ita? Vhathu vhanzhi vha vhala ndimana ya ḓuvha nga matsheloni uri vha kone humbula nga ha zwe vha zwi vhala ḓuvha ḽoṱhe. (Yos 1:8; Ps 119:97) Ni nga vhuyelwa hani nga ho engedzeaho nga ndimana ya ḽeneḽo ḓuvha? Vhalani maṅwalo a tshimbidzanaho na lwonolo luṅwalo u itela u ḓivha vhubvo ha mafhungo. Lingedzani u humbula nga ha mafhungo a re Bivhilini ane a nga tshimbidzana na vhulivhisi vhu re kha ndimana ya ḽeneḽo ḓuvha. Ni kone u shumisa honoho vhulivhisi vhutshiloni haṋu. Musi phetho dzine na dzi ita dzi tshi livhiswa nga Ipfi ḽa Mudzimu, ḽi ḓo ni livhisa na vhutshiloni haṋu nahone ni ḓo vhuyelwa vhukuma.—Ps 119:105.

Miraḓo ya Bethele i haseledza ndimana ya ḓuvha kha bugwana U Ṱolisisa Maṅwalo Ḓuvha Ḽiṅwe na Ḽiṅwe nga matsheloni. Miṅwahani ya zwenezwino, vhunzhi ha zwe zwa haseledzwa zwo dzheniswa kha JW Broadcasting^® kha tshiteṅwa MBEKANYAMUSHUMO NA ZWIITEA. No guma lini u ṱalela dzenedzi vidio? Ni nga thuswa nga iṅwe yadzo. Sa tsumbo, mafhungo a Loto a nga ni thusa hani musi ni tshi tea u dzhia phetho?

ṰAELELANI VIDIO INE YA RI: NI SONGO FUNA SHANGO (1YO 2:15), NGA MURAHU NI FHINDULE MBUDZISO DZI TEVHELAHO:

• Ndi vhulivhisi vhufhio vhu re Bivhilini he ha vha vhu tshi khou haseledzwa kha uvhu Vhurabeli Ha Nga Matsheloni?

• Ri guda mini kha mafhungo a Loto nga ha khombo ine ya nga vha hone ya u funa shango kana zwi re khaḽo?—Gen 13:12; 14:12; 19:3, 12, 13, 24-26

• Ri nga sumbedza hani uri ri funa Yehova, hu si shango kana zwi re khaḽo?