Khamusi a hu na muṅwe mushumo une wa ri ṱalula khwine u fhira wa u huwelela hashu nnḓu nga nnḓu, fhethu ha vhomuthumunzhi na huṅwe na huṅwe hune ha wanala vhathu. Ndi ngani ri tshi u ita?

Ṱhanzi dza Yehova dzi huwelela u itela u hulisa Mudzimu na u ḓivhadza dzina ḽawe. (Vhaheberu 13:15) Zwiṅwe hafhu, ri ṱoḓa u thetshelesa Yesu Kristo, we a ri: “Nga zwenezwo, iyani ni ite vhathu vha tshaka dzoṱhe vhafunziwa, ni vha lovhedze dzinani ḽa Khotsi na ḽa Murwa na ḽa muya mukhethwa, ni vha funze u tevhedza zwoṱhe zwe nda ni laya.”—Mateo 28:19, 20.

Zwiṅwe hafhu, ri funa vhaṅwe vhathu. (Mateo 22:39) Vhukuma, ri a zwi ḓivha uri vhathu vhanzhi vha na vhurereli havho na uri a si vhathu vhoṱhe vhane vha vha na dzangalelo kha mulaedza washu. Naho zwo ralo, ri tenda uri pfunzo dza Bivhili dzi a tshidza. Ndi ngazwo ri tshi bvela phanḓa ri “sa litshi na u huwelela mafhungo maḓifha nga ha Kristo” sa zwe zwa itwa nga Vhakriste vha ḓanani ḽa u thoma ḽa miṅwaha.—Mishumo 5:41, 42.

Vhunzhi ha vhavhali vha khandiso dzashu a si Ṱhanzi dza Yehova. Nahone vhunzhi ha vhane ra guda navho Bivhili, vha na vhurereli havho. Naho zwo ralo, vha a livhuha u dalelwa nga Ṱhanzi dza Yehova.

Vhukuma, ni nga vha ni na dziṅwe mbudziso nga ha Ṱhanzi dza Yehova. Ri ni ramba uri ni wane phindulo nga u

• Vhudzisa muṅwe wa Ṱhanzi dza Yehova.

• Dalela website yashu ya www.jw.org/ve.

• Ya miṱanganoni yashu ine ya vha ya mahala na ine khayo ha ṱanganedzwa vhathu vhoṱhe.