Naa ni nga fhindula mbudziso dzi tevhelaho dzo thewaho kha Tshiingamo tsha ṅwaha wa 2019?

Musi Yehova a tshi ri fhulufhedzisa uri “mafumo oṱhe a fulelwaho u lwa na iwe ha nga koni tshithu,” o vha a tshi khou amba mini? (Yes. 54:17)

Ri nga fhulufhela uri Mudzimu u ḓo ri tsireledza kha “mbiti dza vhahali.” (Yes. 25:4, 5) Maswina ashu a nga si kone uri huvhadza lwa tshoṱhe.—w19.01, masiaṱ. 6-7.

Mudzimu o haṱula hani nga nḓila yo teaho Vhakanana na Vhaisiraele vha sa thetshelesi?

Mudzimu o haṱula vhathu vho itaho zwithu zwi nengisaho zwa u ḓifara luvhi nga zwa vhudzekani kana vho tambudzaho vhana na vhafumakadzi. A fhaṱutshedza vhe vha fhulufhedzea khae na u fara vhaṅwe nga nḓila yavhuḓi.—w19.02, masiaṱ. 22-23.

Ri fanela u ita mini arali muthu ane a si vhe Ṱhanzi a tshi khou rabela?

Ri nga fhumula na u sumbedza ṱhonifho, fhedzi ri si ambe uri “amen” kana u fara vhaṅwe nga zwanḓa. Ri nga khetha u rabelela mbiluni.—w19.03, siaṱ. 31.

Ndi ngani u tambudza ṅwana nga lwa vhudzekani hu vhukhakhi vhuhulwane?

U tambudza ṅwana nga lwa vhudzekani ndi u khakhela ṅwana, tshivhidzo, vhavhusi na Mudzimu. Vhahulwane vha tea tevhedza mulayo wa shango, vha pota muthu mulayoni ane a khou humbulelwa uri o tambudza ṅwana nga lwa vhudzekani.—w19.05, masiaṱ. 9-10.

Ni nga shandula na u khwinisa hani nḓila ine na humbula ngayo?

Zwithu zwa ndeme ndi u rabela, u elekanya ri na zwipikwa zwa u ḓiṱola na u khetha khonani dzavhuḓi.—w19.06, siaṱ. 11.

Ri nga ita mini u itela u ḓilugisela u tovholwa hu tshee zwino?

Ri tea u khwaṱhisa vhushaka hashu na Yehova. Ri vhe na vhungoho ha uri Yehova u a ri funa na uri a nga si ri laṱe. Vhalani Bivhili ḓuvha ḽiṅwe na ḽiṅwe na u rabela tshifhinga tshoṱhe. Ivhani na vhungoho ha uri zwe Mudzimu a zwi fhulufhedzisa nga ha Muvhuso wawe zwi ḓo itea. Rwelani ngomani maṅwalo ane na a funesa na nyimbo dzi rendisaho Yehova.—w19.07, masiaṱ. 2-4.

Ri nga thusa hani mashaka ashu uri a tshidzwe?

Ndi zwa ndeme u pfesesa nḓila ine vha ḓipfa ngayo, u vha tsumbo yavhuḓi, u sa fhela mbilu na u vha na vhuthu.—w19.08, masiaṱ. 15-17.

Ri homoloswa hani samusi Yesu o zwi fhulufhedzisa kha Mateo 11:28?

Ri na vhalisa vhane vha ri funa, khonani dza khwinesa na mushumo wa khwinesa.—w19.09, siaṱ. 23.

Yehova a nga ri ṋea hani lutamo na maanḓa a u ita zwine a funa? (Vhafil. 2:13)

Ri tshi vhala Ipfi ḽa Mudzimu na u elekanya nga ha zwine ra vhala, Yehova a nga ri ṋea lutamo na maanḓa zwa u ita zwine a funa. A nga ri ṋea muya mukhethwa u ri thusa u khwinisa vhukoni hashu.—w19.10, siaṱ. 21.

Ndi mini zwine ra tea u ita musi ri sa athu dzhia phetho ya ndeme?

Itani zwithu zwiṱanu zwi tevhelaho: Itani ṱhoḓisiso. Humbelani vhuṱali. Humbulani nga ha zwiṱuṱuwedzi zwaṋu. Ḓivhani zwine na tea u ita. Ḓivhetsheleni zwipikwa zwine zwa swikelelea.—w19.11, masiaṱ. 27-29.

Naa Sathane o vhudza Eva uri a tshi fa hu na tshithu tshine tsha bvela phanḓa tshi tshi khou tshila?

Hai. Sathane ho ngo vhudza Eva uri musi a tshi fa hu na tshipiḓa tsha muvhili wawe tshine tsha ḓo bvela phanḓa tshi tshi tshila, fhedzi o mu vhudza uri ha nga fi. Pfunzo dzoṱhe dza mazwifhi dzo fheliswa nga tshifhinga tsha Maḓi Mahulu. Zwi vhonala u nga yeneyo pfunzo ya mazwifhi yo thoma musi Yehova a tshi balanganya vhathu vhe vha vha vha tshi khou fhaṱa muḓi wa Babele na shango ḽoṱhe.—w19.12, siaṱ. 15.