Ni Nga Fhaṱutshedzwa Nga Mudzimu Nga Hu Sa Fheli
Naa ni a tama u tshila shangoni ḽi si na nndwa, vhuvemu na dzikhakhathi?
Naa ni tou ri ngavhe vhathu vha si tsha lwala, u tambula na u fa?
Naa ni a tama u dzula ni sa vhilaeli nga tshithu?
Naa ni nga takalela u tshila fhethu hune ha si vhe na khombo dza mupo?
Mudzimu washu ane a ri funa na we a sika ḽifhasi o fhulufhedzisa uri u ḓo ita uri vhathu vha tshile nga hu sa fheli vha na mulalo, vho takala. Zwenezwi zwithu zwi ḓo itea zwa vhukuma.
Musi ni tshi khou vhala hoyu magazini, ri humbela uri ni humbule nga ha:
Nḓila ine Musiki washu a ri funa ngayo
Zwine Ipfi ḽa Mudzimu ḽa ri dzumbululela zwone
Uri vhaporofita vha Mudzimu vho amba mini nga ha zwithu zwavhuḓi zwine Mudzimu a ḓo ri itela zwone
Nḓila ine Mudzimu a nga ri thusa ngayo uri ri takale zwino na tshifhingani tshi ḓaho
Kha ri thome nga u amba nga ha zwithu zwoṱhe zwine Mudzimu a ri fha zwone zwine zwa sumbedza uri u na ndavha na riṋe.
