Marangaphanḓa A Tshipiḓa 2
Ndi ngani Yehova o ḓisa maḓi mahulu e a fhelisa vhathu vha misini yeneyo? Mathomoni a ḓivhazwakale ya vhathu, ho vuwa nndwa—nndwa vhukati ha u ita zwivhuya na zwivhi. Vhaṅwe vhathu, vha ngaho Adamu, Eva na murwa wavho Kaini, vho khetha u ita zwivhi. Vhaṅwe vha si gathi, vha ngaho Abele na Noaxe, vho khetha u ita zwivhuya. Vhunzhi ha vhathu vho vha vhe vhavhi vhukuma lwe Yehova a vhuya a vha fhelisa. Hetshi tshipiḓa tshi ḓo ri thusa u guda uri Yehova u a vhona zwine ra khetha u zwi ita nahone a nga si vhuye a tendela vhuvhi vhu tshi kunda zwivhuya.
KHA HETSHI TSHIPIḒA
NGUDO 3
Adamu Na Eva A Vho Ngo Thetshelesa Mudzimu
Ndi mini zwe zwa vha zwo khethea nga muṅwe muri we wa vha u tsimuni ya Edeni? Ndi ngani Eva o ḽa mutshelo wa wonoyo muri?
NGUDO 4
U Sinyuwa Zwo Ita Uri A Vhulaye
Mudzimu o takalela tshiṱhavhelo tsha Abele, hu si tsha Kaini. Musi Kaini a tshi ṱhogomela zwenezwo, o sinyuwa nahone a ita zwithu zwo vhifhaho.
NGUDO 5
Gungwa Ḽa Noaxe
Musi vharuṅwa vhavhi vha tshi dzhia vhafumakadzi vha kha ḽifhasi, vho vha na vhana vhalapfu lapfu vhane vha shengedza vhaṅwe. Vhuvemu ho vha ḓadza shango. Fhedzi Noaxe o vha o fhambana navho—o vha tshi funa na u thetshelesa Mudzimu.
NGUDO 6
Ndi Vha Malo Vhe Vha Tshidzwa Vha Dzhena Shangoni Ḽiswa
Mvula yo na maḓuvha a 40 na vhusiku ha 40. Noaxe na muṱa wawe vho vhe gungwani lu fhiraho ṅwaha. Mafheleloni, vho kona u bva gungwani.
