BOGISI ḼA U FUNZA 18A
Yehova U Tsivhudza Vhathu Nga Ha Nndwa Khulwane Ine Ya Khou Ḓa
Bivhilini hu na vhuporofita vhunzhi vhune ha sevha vhathu nga ha nndwa khulwane, ine khayo Yehova a ḓo fhelisa vhoṱhe vhane vha mu pikisa na u pikisa vhathu vhawe. Kha ri ambe nga ha vhuṅwe ha honoho vhuporofita. Ṱhogomelani nḓila ine dzenedzo tsevho dza fana ngayo na nḓila ye Yehova a ita ngayo vhungoho ha uri vhathu vha dzi pfe na uri vha dzhie vhukando.
TSHIFHINGANI TSHA VHAISIRAELE
HESEKIELE: “‘Ndi ḓo mu vhidzela banga [Gogo] thavhani dzanga dzoṱhe,’ u ralo Yehova Murena Muvhusahoṱhe.”—Hesek. 38:18-23.
YEREMIA: “[Yehova] u ḓo haṱula vhathu vhoṱhe. U ḓo vhulaya vhavhi nga banga.”—Yer. 25:31-33.
DANIELE: “Mudzimu wa ṱaḓulu u ḓo vhumba Muvhuso une wa . . . ḓo kwasha na u fhelisa yeneyi mivhuso yoṱhe.” —Dan. 2:44.
ḒANANI ḼA U THOMA ḼA MIṄWAHA C.E.
YESU: “Hu ḓo vha na maṱungu mahulu a sathu u vhuya a vha hone u bva tshee shango ḽa sikwa.”—Mat. 24:21, 22.
PAULO: “Yesu . . . na vharuṅwa vhawe vha maanḓa . . . a tshi ḓa u lifhedza vhane vha si ḓivhe Mudzimu.”—2 Vhathes. 1:6-9.
PETRO: “Ḓuvha ḽa Yehova ḽi ḓo ḓa sa mbava, . . . ḽifhasi na mishumo i re khaḽo zwi ḓo bviselwa khagala.”—2 Pet. 3:10.
YOHANE: “Mulomoni [wa Yesu] hu . . . bva banga ḽilapfu ḽi re na vhuhali, uri a kone a vhulaya dzitshaka ngaḽo.”—Nzumb. 19:11-18.
MUSALAUNO
Bivhili ndi yone bugu yo ṱalutshedzelwaho nga nyambo nnzhi na yo phaḓaladzeswaho u fhira dzoṱhe
VHASHUMELI VHA YEHOVA VHA MUSALAUNO . . .
-
Vha phaḓaladza khandiso dza dzibiḽioni dzo thewaho Bivhilini, dzo ṱalutshedzelwaho nga nyambo nnzhi
-
Vha fhedza awara nnzhi-nnzhi vha tshi khou huwelela ṅwaha muṅwe na muṅwe
