MUṰA ndi nzudzanyo ya kalesa ya vhathu i ḓivhiwaho, fhedzi ṋamusi u khomboni. U anda hu tshusaho ha vhaswa vha shumisaho luvhi zwidzidzivhadzi na vha ḓifaraho luvhi, vhuṱungu ha musalauno ha muṱalano na vhuvemu ha muṱani, nyengedzeo khulwanesa ya tshivhalo tsha miṱa ya mubebi muthihi, na vhuṅwe vhuleme vhuhulwane zwi ita uri vhaṅwe vha ḓivhudzise arali vhutshilo ha muṱa vhu tshi ḓo bvelela.

Naa zwi kha ḓi konadzea uri muṱa u dzudzanyee, u vhe fhethu hune miraḓo yawo ya wana lufuno? Ee, arali miraḓo ya muṱa i tshi ḓivha tshiphiri tsha vhukuma tsha dakalo ḽa muṱa. Tshenetshi tshiphiri a tsho ngo dzumbiwa. Tsho shumiswa nahone tsha wanala tshi tshi shuma, maḓanani manzhi-manzhi a miṅwaha. Ndi tshifhio? Yeneyi bugu, Tshiphiri tsha Dakalo ḽa Muṱa, i ṋea phindulo. I dovha ya ṋea tsumbo dzi shumaho dza nḓila ine tshenetshi “tshiphiri” tsha nga thusa ngayo u piringulula vhuimo vhunzhi vhu konḓaho ha muṱa. Naa ṋamusi hu na naho e nnyi a sa ṱoḓi mafhungo o raloho?