Yobo 21:1-34
21 Yobo a fhindula a ri:
2 “Thetshelesani nga vhuronwane zwine nda amba;Uri zwi vhe zwine na nkhuthadza ngazwo.
3 Ni songo mphelela mbilu musi ndi tshi amba;Musi ndo no amba ndi hone ni tshi ḓo ngoḓa.+
4 Naa ndi khou gungulela muthu?
Arali zwi vhe zwo ralo, naa ndo vha ndi sa ḓo fhela mbilu?
5 Nndavheleseni, ni mangale;Ni fare milomo yaṋu.
6 Musi ndi tshi humbula nga hazwo, ndi a pfa vhuṱungu,Muvhili wanga woṱhe u a tetemela.
7 Ndi ngani vhavhi vha tshi bvela phanḓa vha tshi khou tshila,+Vha vha vhalala, vha pfuma?*+
8 Vhana vhavho vha dzula vhe tsini navho,Vha kona u vhona na vhaḓuhulu vhavho.
9 Nnḓu dzavho dzo tsireledzea, a vha ofhi tshithu,+Mudzimu ha vha rwi nga ṱhamu yawe.
10 Mboho dzavho a dzi kundelwi u dzwala;Kholomo dzavho dzi a dzwala, a dzi fholodzi.
11 Vhatuka vhavho vha gidima-gidima nnḓa sa sambi,Vhana vhavho vha a thamukana.
12 Vha imba hu tshi khou lila murumba na haripaVho takala vha tshi lidza tshiṱiringo.+
13 Vha fhedza maḓuvha avho vho fusheaVha vhulungwa nga mulalo* Vhiḓani.*
14 Fhedzi vha amba na Mudzimu wa ngoho vha ri: ‘Ri litshe!
A ri ṱoḓi u ḓivha nḓila dzau.+
15 Ramaanḓaoṱhe ndi nnyi, ane a pfi ri mu shumele?+
Ri ḓo vhuyelwa ngani nga u mu ḓivha?’+
16 Fhedzi ndi a zwi ḓivha uri a vha langi u bvelela havho.+
Mahumbulele* a muvhi a kule na nṋe.+
17 Luvhone lwa vhavhi lu ḓo dzimiwa lungana?+
Khombo i vha wela lungana?
Ndi lungana Mudzimu a tshi vha fhelisa nga mbiti dzawe?
18 Naa vha nga vhuya vha nga maṱanga e muyaniVha fana na mungu u tshi vhudzulwa nga ḓumbu?
19 Ṱhamu ya muvhi i ḓo vhulungelwa vhana vhawe.
Fhedzi ngavhe Mudzimu a tshi mu lifhedza uri a ḓivhe.+
20 Ngavhe a tshi vhona u fheliswa hawe,Ngavhe a tshi nwa mbiti dza Ramaanḓaoṱhe.+
21 Naa u vhilaedziswa nga zwine zwa ḓo itea nḓuni yawe musi a si tsheehoArali miṅwedzi yawe ya fhungudzwa?*+
22 Naa hu na ane a nga funza Mudzimu,+Ngeno e Ene ane a haṱula vha re vhuimoni ha nṱha vhukuma?+
23 Muṅwe munna u fa a tshi kha ḓi vha na nungo+Musi a si na tshine tsha mu vhilaedzisa,+
24 Musi zwirumbi zwawe zwo nona nga mapfuraNa marambo awe o khwaṱha.
25 Fhedzi muṅwe munna u fa o tsikeledzea nga maanḓa,A sa athu u thetshela zwithu zwavhuḓi.
26 Vhoṱhe vha ḓo eḓela buseni,+Mbungu dzi ḓo ḓala khavho.+
27 Ndi a ḓivha zwavhuḓi zwine na zwi humbulaNa maano ane na khou a vhamba uri ni mmbaise.*+
28 Ngauri ni ri: ‘I ngafhi nnḓu ya muḓivhalea,Ḽi ngafhi dennde ḽe muvhi a vha a tshi dzula khaḽo?’+
29 Naa a ni athu u vhudzisa vhafhiri vha gondo?
Naa ni a guda nga vhuronwane zwine vha ita?
30 Muvhi u a tsireledzwa nga ḓuvha ḽa khomboA tshidzwa nga ḓuvha ḽa mbiti?
31 Ndi nnyi ane a ḓo mu kaidzela nḓila yawe,Ndi nnyi ane a ḓo mu lifhedza zwe a ita?
32 Musi a tshi iswa mavhiḓani,Vhiḓa ḽawe ḽi ḓo dzula ḽo lindwa.
33 U ḓo ḓifhelwa nga mavu a ḽifhasi a govhani,*+Vhathu vhoṱhe vha a mu tevhela*+Vhunga vhathu vho mu rangaho phanḓa vha sa vhalei.
34 Ndi ngani ni tshi nkhuthadza nga maipfi a sa ambi tshithu?+
Phindulo dzaṋu ndi dza vhufhura fhedzi!”
Ṱhaluso dzi re magumoni a siaṱari
^ Kana “vha vha na maanḓa.”
^ Kana “nga khathihi,” zwine zwa amba u fa nga u ṱavhanya u songo pfa vhuṱungu.
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “Nyeletshedzo; Vhukwila.”
^ Kana “tumulwa nga vhukati.”
^ Kana khamusi, “ni lwe na nṋe.”
^ Kana “muedzini.”
^ Thevhedz., “U ḓo kokodza vhathu vhoṱhe vha mu tevhela.”
