Yobo 19:1-29
19 Yobo a fhindula a ri:
2 “Ni ḓo litsha lini u ndina,+Ni tshi nkwashekanya nga maipfi?+
3 Lwo no vha lwa vhufumi ni tshi nkaidza;*A ni farwi nga ṱhoni musi ni tshi mpfara nga nḓila i si yavhuḓi.+
4 Arali ndo khakha zwa vhukuma,Vhukhakhi hanga vhu ḓo dzula na nṋe.
5 Arali ni tshi bvela phanḓa ni tshi ḓiita vha khwine u mphira,Ni tshi ri u semiwa hanga ho tea,
6 Ḓivhani uri Mudzimu ndi ene we a nkhedza,O mpfasha nga mambule awe a u zwima.
7 Ndi dzulela u vhidzelela ndi tshi ri: ‘Vhuvemu!’ fhedzi a hu na ane a mphindula;+Ndi dzulela u vhidzelela ndi tshi ṱoḓa thuso, fhedzi a hu haṱulwi nga nḓila yo teaho.+
8 O thivha nḓila dzanga nga mutsheṱo, a thi koni u fhira;Nḓila dzanga o dzi tiba nga swiswi.+
9 O mbvula vhugala hangaO bvula na khare ṱhohoni yanga.
10 O nkwashekanya thungo dzoṱhe u swika ndi tshi tshinyala;Fhulufhelo ḽanga o ḽi tupula sa muri.
11 Ndo dugelwa nga mbiti dzawe,U ndzhia sa swina ḽawe.+
12 Maswole awe o kuvhangana uri a ḓe a ntange,O tanga dennde ḽanga.
13 Vhahashu o vha pandelela kule na nṋe,Vhane vha nḓivha vho nṱutshela.+
14 Khonani dzanga dza tsini* dzo ṱuwa,Vhe nda vha ndi tshi vha ḓivha khwine vho nkhangwa.+
15 Vhaeni vha nḓuni yanga+ na phuli dzanga dza vhafumakadzi vha ndzhia sa mutsinda;Ndo no vha mutsinda khavho.
16 Musi ndi tshi vhidza mushumeli wanga, ha fhinduli;Ndi tou mu luvheledza uri a mpfele vhuṱungu.
17 Mufumakadzi wanga u nengiswa nga mufemo wanga,+Ndi nukhela na vhana vha mme anga.
18 Ndi vhengwa na nga vhana vhaṱuku;Musi ndi tshi takuwa, vha a ngoḓa.
19 Khonani dzanga dzoṱhe dza tsini dzi a nnengwa,+Vhane nda vha funa vho nṱutshela.+
20 Marambo anga a vhonala kha lukanda lwanga na kha ṋama yanga,+Ndo ponya lufu.
21 Nkhathutsheleni, khonani dzanga, nkhathutsheleni,Ngauri tshanḓa tsha Mudzimu tsho nthwa.+
22 Ndi ngani ni tshi dzulela u ntovhola sa Mudzimu,+Ni tshi mvutshela ni sa fhedzi?+
23 Ngavhe maipfi anga a vhe o ṅwaliwa fhasi,Ngavhe a vhe o ṅwaliwa buguni!
24 Ngavhe a korwe kha tombo lwa tshoṱhe,Nga tsha u ṅwala tsha tsimbi na mutobvu!
25 Ngauri ndi a zwi ḓivha zwavhuḓi uri murengululi wanga+ u kha ḓi tshila;U ḓo ḓa nga murahu uri a ime kha ḽifhasi.*
26 Na musi lukanda lwanga lwo no ḓi tshinyala,Ndi tshi kha ḓi vha muthu wa ṋama, ndi ḓo vhona Mudzimu,
27 Ndi ene ane nda ḓo mu vhona,Ane maṱo anga a ḓo mu vhona, hu si muṅwe muthu.+
Ndo tsikeledzea nga ngomu!*
28 Ngauri ni ri: ‘Ri khou mu tovhola nga nḓila-ḓe?’+
Samusi mudzi wa thaidzo e nṋe.
29 Ofhani banga,+Ngauri banga ḽi pfisa vhuṱungu vho khakhaho;Ni zwi ḓivhe uri hu na muhaṱuli.”+
Ṱhaluso dzi re magumoni a siaṱari
^ Kana “ntsema.”
^ Kana “Mashaka anga.”
^ Thevhedz., “kha buse.”
^ Kana “Tswio dzanga a dzi tsha shuma.”
