Yesaya 19:1-25
19 Khaṱhulo ya Egipita ndi heyi:+
Yehova o ṋamela gole ḽine ḽa khou gidima nga luvhilo, u khou ḓa Egipita.
Midzimu i sa vhuyedzi tshithu ya Egipita i ḓo tetemela phanḓa hawe,+Na Vhaegipita vha ḓo tshuwa.
2 “Ndi ḓo luṱanya Vhaegipita,Vha lwa nga tshavho,Muṅwe na muṅwe u ḓo lwa na wahawe na muhura wawe,Miḓi i ḓo vutshelana, mivhuso ya lwa.
3 Vhaegipita vha ḓo ḓaḓa,Ndi ḓo khakhisa na maano avho.+
Vha ḓo shavhela kha midzimu i sa vhuyedzi tshithu,Kha vhamanditi na kha mingome na kha vhabvumbi.+
4 Ndi ḓo kumedzela Egipita kha muṋe wa tshiṱuhu,Khosi ya tshiṱuhu i ḓo vha vhusa,”+ u ralo Murena wa ngoho, Yehova wa mavhuthu.
5 Lwanzhe lu ḓo xa,Mulambo u ḓo xa u si tsha elela.+
6 Milambo i ḓo nukha;Migero ya Nili ya Egipita i ḓo fhungudzea, ya xa.
Ṱhanga na miṱaṱe zwi ḓo sina.+
7 Zwimela zwi re tsini na Mulambo wa Nili, zwine zwa vha philiphilini ya Nili,Na shango ḽoṱhe ḽo ṱavhiwaho mbeu tsini na Nili+ ḽi ḓo oma.+
Zwi ḓo vhudzulelwa kule nga muya, zwi si tsha vha hone.
8 Vharei vha khovhe vha ḓo ṱungufhala,Vhane vha posa zwihuka Nili vha ḓo lila,Na vhane vha posa mambule avho maḓini vha ḓo fhungudzea.
9 Vhahoṱi vha wuḽu+Na vhaluki vha malabi matshena vha ḓo shoniswa.
10 Vhaluki vhaḽo vha ḓo fheliswa;Vhashumi vhoṱhe vho tholwaho vha ḓo ṱungufhala.
11 Vharangaphanḓa vha Tsoani+ ndi matsilu.
Vhaeletshedzi vho ṱalifhaho vhukuma vha Farao vha ṋea nyeletshedzo ya vhutsilu.+
Ndi ngani ni tshi vhudza Farao uri:
“Ndi muḓuhulu wa vho ṱalifhaho,Muḓuhulu wa mahosi a kale”?
12 Vhathu vhau vho ṱalifhaho vha ngafhi?+
Uri vha u vhudze arali vha tshi ḓivha uri Yehova wa mavhuthu o phetha zwifhio nga ha Egipita.
13 Vharangaphanḓa vha Tsoani vho ita zwithu zwa vhutsilu;Vharangaphanḓa vha Nofe*+ vho fhurwa;Vhavhusi vha tshaka dzawo vho xedza ḽa Egipita.
14 Yehova o ita uri vha ḓaḓe;+Vho xedza ḽa Egipita kha zwoṱhe zwine ḽa ita,U fana na tshidakwa tshi tshi suvha nga maṱanza atsho.
15 A hu tshe na zwine ḽa Egipita ḽa ḓo shuma,Hu sa londwi uri ndi ṱhoho kana ndi mutshila, lutavhi kana muṱaṱe.*
16 Nga ḽeneḽo ḓuvha Egipita ḽi ḓo fana na vhafumakadzi, ḽi ḓo tetemela na u ofha tshanḓa tsha Yehova wa mavhuthu tshi tshi ṱoḓa u ḽi rwa.+
17 Shango ḽa Egipita ḽi ḓo ofha shango ḽa Yuda. Vha ḓo ofha musi vha tshi pfa hu tshi ambiwa nga haḽo nga nṱhani ha phetho ye Yehova wa mavhuthu a ita nga havho.+
18 Nga ḽeneḽo ḓuvha hu ḓo vha na miḓi miṱanu kha shango ḽa Egipita ine ya amba luambo lwa Kanana+ na ine ya ḓo anela Yehova wa mavhuthu uri i ḓo fhulufhedzea khae. Muṅwe muḓi u ḓo vhidzwa Muḓi wa u Thutha.
19 Nga ḽeneḽo ḓuvha hu ḓo vha na aḽeṱare ya Yehova vhukati ha shango ḽa Egipita na phuphu ya Yehova mukanoni waḽo.
20 Tshi ḓo vha tshiga na vhuṱanzi nga ha Yehova wa mavhuthu shangoni ḽa Egipita; ngauri vha ḓo lilela Yehova nga nṱhani ha vhatsikeledzi, u ḓo vha rumela mutshidzi muhulwane ane a ḓo vha tshidza.
21 Yehova u ḓo ḓivhiwa nga Vhaegipita, Vhaegipita vha ḓo ḓivha Yehova nga ḽeneḽo ḓuvha, vha ḓo ṋekedza zwiṱhavhelo na zwifhiwa, vha anela Yehova na u ita zwe vha ana.
22 Yehova u ḓo rwa ḽa Egipita,+ u ḓo ḽi rwa, a ḽi fhodza; vha ḓo vhuyelela kha Yehova, u ḓo fhindula khumbelo yavho, a vha fhodza.
23 Nga ḽeneḽo ḓuvha hu ḓo vha na nḓila khulwane+ i bvaho Egipita i tshi ya Asuri. Vhaasuri vha ḓo ḓa Egipita na Vhaegipita vha ya Asuri, Vhaegipita khathihi na Vhaasuri vha ḓo shumela Mudzimu.
24 Nga ḽeneḽo ḓuvha ḽa Isiraele ḽi ḓo vha ḽa vhuraru kha ḽa Egipita na ḽa Asuri,+ ḽa vha phaṱhutshedzo kha ḽifhasi,
25 ngauri Yehova wa mavhuthu u ḓo fhaṱutshedza a ri: “Nga hu fhaṱutshedzwe vhathu vhanga vha Egipita na vha re Asuri mishumo ya zwanḓa zwanga na vha Isiraele vha re ifa ḽanga.”+
Ṱhaluso dzi re magumoni a siaṱari
^ Kana “Memifisi.”
^ Kana khamusi, “tavhi ḽa mutshevho kana luṱanga.”
