Nehemia 3:1-32
-
Hu fhaṱululwa mbondo (1-32)
3 Tshifhe muhulu Eliasibi+ na vhahawe vha re vhotshifhe vha fhaṱa Khoro ya Nngu.+ Vha i ita khethwa*+ vha kwea mavothi ayo; vha i ita khethwa u vhuya u swika Mutsheṱoni wa Mea+ na u swika Mutsheṱoni wa Hananele.+
2 Vhanna vha Yeriko+ vha fhaṱa tsini navho; Sakure murwa wa Imiri na ene a fhaṱa tsini navho.
3 Vharwa vha Hasena vha fhaṱa Khoro ya Khovhe;+ vha i fhaṱa nga mabulannga,+ vha kwea mavothi ayo, baudu dzayo na mbalelo dzayo.
4 Meremothe+ murwa wa Uriya murwa wa Hakotsi a ita mushumo wa u lugisa, a tevhelwa nga Meshulamu+ murwa wa Berekia murwa wa Mesesabiele, ene a tevhelwa nga Tsadoko murwa wa Baana.
5 Na Vhathekoa+ vha ita mushumo wa u lugisa, fhedzi vha re na vhuimo ha nṱha vhukati havho vha si ḓiṱukufhadze uri vha ite mushumo wa vhaṋe vhavho.
6 Yoyada murwa wa Pesea na Meshulamu murwa wa Besodia vha lugisa Khoro ya Muḓi wa Kale;+ vha i fhaṱa nga mabulannga, vha kwea mavothi ayo, baudu dzayo na mbalelo dzayo.
7 Melathia wa Mugibeoni+ na Yadoni wa Mumeroni, vhanna vha Gibeoni na vha Mitsipa+ vha langiwaho nga muvhusi wa dzinguni ḽa Seli ha Mulambo,*+ vha lugisa tsini navho.
8 Tsini navho ha itwa mushumo wa u lugisa nga Usiele murwa wa Harahaya, muṅwe wa vhane vha ita zwithu nga musuku,* tsini nae ha itwa mushumo wa u lugisa nga Henania muṅwe wa vhaiti vha zwiḓolo;* a ita* muṱa wa matombo Yerusalema u swika kha Luvhondo Luhulu.+
9 Refaya murwa wa Huri, murangaphanḓa wa hafu ya tshiṱiriki tsha Yerusalema, a ita mushumo wa u lugisa tshipiḓa tshi re tsini navho.
10 Yedaya murwa wa Harumafu a ita mushumo wa u lugisa phanḓa ha nnḓu yawe, we a ita mushumo wa u lugisa tsini nae ndi Hatusi murwa wa Hasabanea.
11 Malakia murwa wa Harimi+ na Hasubu murwa wa Phahathi-moaba+ vha ita mushumo wa u lugisa tshiṅwe tshipiḓa,* khathihi na Mutsheṱo wa Dzihonndoni.+
12 Shalumu murwa wa Halohese a ita mushumo wa u lugisa tsini navho, murangaphanḓa wa hafu ya tshiṱiriki tsha Yerusalema, khathihi na vhananyana vhawe.
13 Hanunu na vhadzulapo vha Zanoa+ vha ita mushumo wa u lugisa Khoro ya Govhani;+ vha i fhaṱa na u kwea mavothi ayo, baudu dzayo na mbalelo dzayo, vha lugisa luvhondo tshikhala tshi no ita khubithi dza 1 000* u swika Khoroni ya Thulwi ya Miḽora.+
14 Malakia murwa wa Rekhaba, murangaphanḓa wa tshiṱiriki tsha Bethe-keremu,+ a ita mushumo wa u lugisa Khoroni ya Thulwi ya Miḽora; a i fhaṱa a kwea mavothi ayo, baudu dzayo na mbalelo dzayo.
15 Shaluni murwa wa Kolohose, murangaphanḓa wa tshiṱiriki tsha Mitsipa,+ a lugisa Khoroni ya Tshisimani;+ a i fhaṱa na u i fulela, a kwea mavothi ayo, baudu dzayo na mbalelo dzayo, a dovha a lugisa na luvhondo lwa Damu+ ḽa Mugeroni u yaho Tsimuni ya Khosi+ u swika zwiṱepisini+ zwine zwa ya Muḓini wa Davida.+
16 Nehemia murwa wa Asibuku, murangaphanḓa wa hafu ya tshiṱiriki tsha Bethe-tsuri,+ a lugisa u bva phanḓa ha Mavhiḓa a Davida+ u ya tivhani+ ḽe ḽa tou fhaṱwa na u swika Nḓuni ya Vhahali.
17 Vhalevi vha ita mushumo wa u lugisa tsini hawe vho rangwa phanḓa nga Rehumu murwa wa Bani; Hasabia murangaphanḓa wa hafu ya tshiṱiriki tsha Keila+ a lugisa tshiṱirikini tsha hawe.
18 Vhahavho vha lugisa tsini nae vho rangwa phanḓa nga Bavai murwa wa Henadada murangaphanḓa wa hafu ya tshiṱiriki tsha Keila.
19 Esere murwa wa Yeshua,+ murangaphanḓa wa Mitsipa, o vha a tshi khou lugisa tshiṅwe tshipiḓa tshi re phanḓa tshine tsha gonyela hune ha Vhulungwa Zwiṱhavhane ngei Thikhoni dza Mutsheṱo.+
20 Baruki murwa wa Sabai+ a shuma nga u fhisea a lugisa tshiṅwe tshipiḓa, u bva Thikhoni dza Mutsheṱo u swika muṋangoni wa nnḓu ya tshifhe muhulu Eliasibi.+
21 Meremothe+ murwa wa Uriya murwa wa Hakotsi a lugisa tshiṅwe tshipiḓa, u bva muṋangoni wa nnḓu ya Eliasibi u swika magumoni a nnḓu ya Eliasibi.
22 A tevhelwa nga vhotshifhe, vhanna vha tshiṱirikini tsha Yorodane,*+ vha lugisa tshiṅwe tshipiḓa.
23 Benyamini na Hasubu vha lugisa phanḓa ha nnḓu dzavho. Asaria murwa wa Maaseya, murwa wa Ananya a lugisa tsini na nnḓu yawe.
24 Binui murwa wa Henadada a lugisa tshiṅwe tshipiḓa, u bva nḓuni ya Asaria u ya Thikhoni dza Mutsheṱo+ u swika kha khona.
25 Palala murwa wa Usai a lugisa phanḓa ha Thikho dza Mutsheṱo na mutsheṱo une wa bva Nḓuni*+ ya Khosi ya nṱha ine ya vha ya Muṱa wa Mulindi.+ A tevhelwa nga Pedaya murwa wa Pareosi.+
26 Vhashumi vha thembeleni*+ vha dzulaho Ofele+ vha lugisa u vhuya u swika phanḓa ha Khoro ya Maḓi+ vhubvaḓuvha na nga thungo ha mutsheṱo wo bvelaho nnḓa.
27 A tevhelwa nga Vhathekoa+ vhe vha lugisa tshiṅwe tshipiḓa, u bva phanḓa ha mutsheṱo muhulu wo bvelaho nnḓa u swika luvhondoni lwa Ofele.
28 Vhotshifhe vho lugisa nṱha ha Khoro ya Bere,+ muṅwe na muṅwe phanḓa ha nnḓu yawe.
29 Vha tevhelwa nga Tsadoko+ murwa wa Imere we a lugisa phanḓa ha nnḓu yawe.
A tevhelwa nga Shemaya murwa wa Shekanya, we a vha a tshi ṱhogomela Khoro ya Vhubvaḓuvha,+ a lugisa tsini nae.
30 Henania murwa wa Shelemia wa Hanunu murwa wa vhurathi wa Tsalafa a lugisa tshiṅwe tshipiḓa.
A tevhelwa nga Meshulamu+ murwa wa Berekia we a lugisa tshipiḓa tsha phanḓa ha holo yawe.
31 A tevhelwa nga Malakia, muraḓo wa vhane vha ita zwithu nga musuku,* a lugisa u swika nḓuni ya vhashumi vha thembeleni*+ na vharengisi, phanḓa ha Khoro ya Vhalindi u swika kamarani khulu ya nṱha i re kha khona.
32 Vhane vha ita zwithu nga musuku* na vharengisi vha lugisa vhukati ha kamara khulu ya nṱha i re kha khona na Khoro ya Nngu.+
Ṱhaluso dzi re magumoni a siaṱari
^ Kana “ṋekedza.”
^ Kana “Yufuratha.”
^ Kana “vhafuli vha musuku.”
^ Kana “a ita nga mbaba dza matombo.”
^ Kana “vhaiti vha zwiḓolo zwi nukhelelaho.”
^ Kana “tshipiḓa tsho kalwaho.”
^ Hu ṱoḓaho u vha mithara dza 445. Sedzani Ṱhume. B14.
^ Kana khamusi, “tshiṱiriki tsha nga tsini.”
^ Kana “Pfamoni.”
^ Kana “Vhanethinimu.” Thevhedz., “Vho kumedzwaho.”
^ Kana “muraḓo wa vhafuli vha musuku.”
^ Kana “Vhanethinimu.” Thevhedz., “vho kumedzwaho.”
^ Kana “Vhafuli vha musuku.”
