Mirero 24:1-34
24 U songo tama vhavhi,U songo tama u konana navho,+
2 Ngauri mbilu dzavho dzi elekanya dzikhakhathi,Milomo yavho i amba khombo.
3 Nnḓu* i fhaṱiwa nga vhuṱali,+I tsireledzwa nga ṱhalukanyo.
4 Kamara dzayo dzi ḓala nga nḓivhoNga zwithu zwa ndeme zwa mifuda yoṱhe na lupfumo lu takadzaho.+
5 Wa vhuṱali u na maanḓa mahulu,+U engedza maanḓa awe nga nḓivho.
6 Musi u tshi ya nndwani u wane vhulivhisi vhu bvaho kha o ṱalifhaho,+U ḓo kunda arali u na vhaeletshedzi vhanzhi.+
7 Vhuṱali ha ngoho a vhu swikelelwi nga tsilu;+A ḽi na zwine ḽa nga zwi amba khoroni.
8 Ane a vhamba maano mavhiU ḓo vhidzwa wa maano mavhi.+
9 Maano mavhi a tsilu ndi a vhuvhi,Vhathu vha vhenga mugoḓi.+
10 Arali wa kulea nungo nga ḓuvha ḽa khombo,Nungo dzau dzi ḓo fhungudzea.
11 Tshidza vhane vha khou iswa lufuni,Na u humisa vhane vha khou pepeleka vha tshi ya u vhulawa.+
12 Arali wa ri: “Fhedzi riṋe ro vha ri sa zwi ḓivhi,”Naa Ane a ṱolisisa mbilu* ha zwi ḓivhi?+
Ane a u lavhelesa u ḓo zwi ḓivhaU ḓo lifhedza muṅwe na muṅwe u ya nga mishumo yawe.+
13 Ṅwananga, iḽa mutoli ngauri ndi wavhuḓi;Mutoli wa ṋotshi u a ḓifha haṋwani.
14 Ḓivha uri na vhuṱali ndi havhuḓi kha iwe.+
Arali wa vhu wana, u ḓo vha na vhumatsheloZwe wa zwi fhulufhela a zwi nga lovhi.+
15 U songo lalela tsini na muḓi wa muvhuya u tshi ṱoḓa u ita vhuvhi;U songo fhelisa fhethu hawe ha u awela.
16 Ngauri muvhuya naho a wa lwa sumbe, u ḓo dovha a vuwa,+Fhedzi vhavhi vha ḓo wela khomboni.+
17 Musi swina ḽau ḽi tshi wa, u songo takala,Musi ḽi tshi khukhulwa, u songo tenda mbilu yau i tshi takala;+
18 Yehova u ḓo zwi vhona, a sinyuwa,A litsha u mu* sinyutshela.+
19 U songo sinyuwa nga nṱhani ha vhavhi;U songo tama vhavhi,
20 Ngauri muvhi ha na vhumatshelo;+Luvhone lwa vhavhi lu ḓo dzimiwa.+
21 Ṅwananga, ofha Yehova na khosi.+
U songo konana na vhahanedzi,+
22 Ngauri khombo yavho i ḓo vha ḓela nga u ṱavhanya.+
Ndi nnyi ane a ḓivha uri vha* ḓo vha fhelisa nga nḓila-ḓe?+
23 Enea maambiwa a dovha a vha a vhuṱali:
U haṱula nga u ṱalula a si zwavhuḓi.+
24 Ane a amba na muvhi a ri: “U muvhuya,”+U ḓo semiwa nga vhathu, a kaidzwa nga dzitshaka.
25 Fhedzi vhane vha mu kaidza zwi ḓo vha tshimbilela;+Vha ḓo fhaṱutshedzwa nga zwithu zwavhuḓi.+
26 Vhathu vha ḓo khisa mulomo wa ane a fhindula nga u fhulufhedzea.+
27 Lugiselela mushumo wau wa nnḓa, u lugise tshiṅwe na tshiṅwe tsimuni;U kone u fhaṱa nnḓu* yau.
28 U songo ṋea vhuṱanzi vhune ha lwisana na muhura wau hu si na zwiitisi.+
U songo shumisa mulomo wau u itela u fhura vhaṅwe.+
29 U songo ri: “Ndi ḓo mu ita zwe a nnyita zwone;Ndi ḓo mu lifhedza zwe a ita.”+
30 Ndo fhira nga tsimuni ya mubva,+Tsimuni ya minḓirivhe ya tsilu.
31 Nda vhona yo ḓala tsheṋe;Yo mela zwiṱaka zwa mipfa,Mutsheṱo wayo wo piḓimuwa.+
32 Ndo zwi vhona, nda elekanya;Ndo zwi vhona, nda guda hezwi:
33 Khofhenyana, ndi tou zhambu,Ndi putenyana zwanḓa ndi awele,
34 Ndi hone vhushai vhu tshi ḓo u ḓela vhunga mbava,Vhusiwana ha u ḓela vhunga munna o ḓiṱamaho.+
Ṱhaluso dzi re magumoni a siaṱari
^ Kana “Muṱa.”
^ Kana “zwiṱuṱuwedzi.”
^ Ipfi “mu” ḽi khou imela swina.
^ Ndi Yehova na khosi.
^ Kana “muṱa.”
