Mika 6:1-16
6 Ipfani zwine Yehova a amba.
Takuwani ni ḓise mulandu dzithavhani,Na zwikwara zwi pfe zwine na amba.+
2 Inwi dzithavha, ipfani Yehova a tshi sengisa,Na inwi mitheo ya ḽifhasi,+Ngauri Yehova u khou sengisa vhathu vhawe;U ḓo sengisa Vhaisiraele, a ri:+
3 “Vhathu vhanga, ndo ni ita mini?
Ndo ni netisa nga mini?+
Zwi ambeni.
4 Ngauri ndo ni bvisa shangoni ḽa Egipita,+Nda ni rengulula nḓuni ya vhupuli;+Nda ruma Mushe, Aroni na Miriamu+ kha inwi.
5 Vhathu vhanga, humbulani zwe Khosi Balaka wa Moaba a zwi amba,+Na zwe Bileamu murwa wa Beoro a mu fhindula,+Zwe zwa itea u bva ngei Sitima+ u swika ngei Giligala,+Uri ni kone u ḓivha mishumo mivhuya ya Yehova.”
6 Ndi mini tshine nda nga ḓa natsho phanḓa ha Yehova?
Ndi nga ḓisa mini musi ndi tshi gwadama phanḓa ha Mudzimu wa ṱaḓulu?
Naa ndi nga ḓa phanḓa hawe ndo fara zwifhiwa zwa u fhiswa,Ndi na zwiṋamana zwi re na ṅwaha muthihi?+
7 Naa Yehova u ḓo takalela thutha dza zwigidi na zwigidi,Na mapfura manzhi?+
Naa ndi nga ṋekedzela murwa wanga wa tanzhe ndi tshi itela vhukhakhi hanga,Na ṅwananga ndi tshi itela tshivhi?+
8 Iwe muthu, o u vhudza zwi re zwivhuya.
Ndi mini zwine Yehova a zwi ṱoḓa* kha iwe?
U ṱoḓa uri u haṱule nga nḓila yo teaho,+ u fune u fhulufhedzea,+Na u tshimbila nga u ḓiṱukufhadza+ na Mudzimu wau!+
9 Ipfi ḽa Yehova ḽo vhidzelela muḓini;Vha re na vhuṱali vha ḓo ofha dzina ḽau.
Thetshelesani murangaphanḓa o faraho ṱhamu, we a ita uri hu pfiswe vhuṱungu.+
10 Naa hu kha ḓi vha na lupfumo lwo waniwaho nga vhuvhi nḓuni ya muvhiNa muelo wa vhufhura* wa efa* u nengisaho?
11 Naa ndi nga vha o kunaho* ndi na zwikalo zwa vhufhura,Na muelo wa matombo a vhufhura?+
12 Ngauri vhathu vhawo vho pfumaho vha ita khakhathi,Vha dzulaho khawo vha a zwifha;+Lulimi lwavho lu a fhura.+
13 “Nga nṱhani ha zwenezwo, ndi ḓo u rwa nda u huvhadza,+Nda u ita shubi nga nṱhani ha zwivhi zwau.
14 U ḓo ḽa, fhedzi a u nga furi;U ḓo farwa nga nḓala.+
Zwine wa zwi bvisa, a u nga koni u zwi tsireledza,Zwine wa zwi hwala, zwi ḓo ḽiwa nga banga.
15 U ḓo zwala mbeu, fhedzi a u nga kaṋi.
U ḓo kwaṱula ṱhwari, fhedzi a u nga shumisi mapfura;U ḓo ita waini ntswa, fhedzi a u nga i nwi.+
16 Ngauri wo tevhedza milayo ya Omiri na zwoṱhe zwine zwa itwa nga vha nnḓu ya Ahaba,+Wa ita zwine vha u eletshedza.
Ndi ngazwo ndi tshi ḓo ita uri u ofhiseNda ita uri vha dzulaho muḓini vha goḓiwe;*+Wa konḓelela u nyadziwa nga vhathu.”+
Ṱhaluso dzi re magumoni a siaṱari
^ Kana “humbela.”
^ Kana “wo fhungudzwaho.”
^ Sedzani Ṱhume. B14.
^ Kana “a si na mulandu.”
^ Thevhedz., “lidzeliwe muludzi.”
