Hosea 2:1-23
2 “Amba na vhahau u ri, ‘Vhathu vhanga!’*+
Amba na khaladzi dzau u ri, ‘Iwe mufumakadzi o khathutshelwaho!’*+
2 Pomoka mme au; mu pomoke,Ngauri a si mufumakadzi wanga+ na nṋe a thi munna wawe.
U fanela u litsha u rengisa muvhili.*
A litshe vhupombwe,
3 Zwa sa ralo, ndi ḓo mu bvula a sala e fhedzi u fana na ḓuvha ḽe a bebwa ngaḽo,Nda mu ita uri a nge soga,A vha shango li si na maḓi,Nda ita uri a fe nga ḓora.
4 Vhana vhawe a thi nga vha khathutsheli,Ngauri ndi vhana vhe vha bebiwa nga u rengisa muvhili.*
5 Ngauri mme avho o rengisa muvhili.*+
Ene we a vhifhiswa muvhilini ngavho, o ita zwi shonisaho,+ ngauri o ri,‘Ndi ḓo tevhela vhafunwa vhanga,+Vhane vha nṋea vhurotho na maḓi,Wuḽu na zwiambaro zwa ḽinene, mapfura na zwa u nwa.’
6 Ndi ḓo thivha nḓila dzau nga luhura lwa mipfa;Nda fhaṱa luvhondo lwa matombo lwa u mu thivhela,Uri a si kone u wana nḓila dzawe.
7 U ḓo pandamedza vhafunwa vhawe, fhedzi a nga si vha fare;+U ḓo vha ṱoḓa, fhedzi ha nga vha wani.
U ḓo kona uri, ‘Ndi ḓo vhuyelela kha munna wanga wa u thoma,+Ngauri nga tshenetsho tshifhinga ndo vha ndo takala u fhira zwino.’+
8 Ho ngo ṱhogomela uri ndi nṋe we nda mu ṋea thoro,+ waini ntswa na mapfura,Na uri ndi nṋe we nda mu ṋea siḽiva nnzhiNa musuku, zwe vha zwi shumisa kha u rabela Baali.+
9 ‘Nga zwenezwo, ndi ḓo humela nda ya nda dzhia thoro dzanga nga tshifhinga tshadzoNa waini yanga ntswa nga tshifhinga tshayo,+Nda dzhiulula wuḽu yanga na zwiambaro zwa ḽinene zwe a vha a tshi zwi ambara.
10 Ndi ḓo mu bvula a sala e fhedzi phanḓa ha vhafunwa vhawe,A hu na ane a ḓo mu tshidza tshanḓani tshanga.+
11 Ndi ḓo fhelisa dakalo ḽawe ḽoṱhe,Vhuṱambo hawe,+ miṅwedzi yawe miswa, savhatha dzawe na vhuṱambo hawe hoṱhe ha dzikhalaṅwaha.
12 Ndi ḓo tshinyadza minḓirivhe yawe na mihuyu yawe, ye a amba nga hayo a ri:
“Hezwi ndi muholo wanga, we vhafunwa vhanga vha nṋea wone”;Ndi ḓo zwi ita ḓaka,Zwivhanda zwi ḓo zwi tshinyadza.
13 Ndi ḓo mu pfisa vhuṱungu nga nṱhani ha zwifhinga zwe a vha a tshi ṋekedza zwifanyiso zwa Baali zwiṱhavhelo,+Musi a tshi ḓinakisa nga rinngi na madzanga, a tshi pandamedza vhafunwa vhawe,A hangwa nṋe,’+ u ralo Yehova.
14 ‘Ndi ḓo mu luvheledza,Nda mu isa sogani,Nda amba nae u itela u kwama mbilu yawe.
15 U bva nga tshenetsho tshifhinga, ndi ḓo dovha nda mu ṋea tsimu yawe ya minḓirivhe,+U ḓo dzhena shangoni ḽa fhulufhelo nga Govha ḽa Axoro;+A fhindula e henefho u fana na musi a tshee muswa,U fana na ḓuvha ḽe a bva ngaḽo shangoni ḽa Egipita.+
16 Nga ḽeneḽo ḓuvha,’ u ralo Yehova,‘U ḓo mmbidza munna Wau, a u tsha ḓo mmbidza muṋe Wau.’*
17 ‘Ndi ḓo ita uri a si tsha amba madzina a zwifanyiso zwa Baali,+A vha tsha ḓo humbula madzina azwo.+
18 Nga ḽeneḽo ḓuvha ndi ḓo vha vhofhela mulanga na zwivhanda,+Na zwiṋoni na zwikokovhi;+Ndi ḓo fhelisa vhura, banga na nndwa shangoni,+Nda ita uri vha dzule vho tsireledzea.+
19 Ndi ḓo ḓikumedzela kha iwe lwa tshoṱhe;Nda ḓikumedzela kha iwe uri ndi u sumbedze zwivhuya na u u haṱula nga nḓila yo teaho,Nda u sumbedza lufuno lu sa shanduki na u u pfela vhuṱungu.+
20 Ndi ḓo ḓikumedzela kha iwe nga u fhulufhedzea,Ndi hone u tshi ḓo ḓivha uri ndi nṋe Yehova.’+
21 ‘Nga ḽeneḽo ḓuvha ndi ḓo fhindula,’ u ralo Yehova,‘Ndi ḓo fhindula ḽiṱaḓulu,Ḽone ḽa fhindula ḽifhasi;+
22 Ḽifhasi ḽa fhindula thoro, waini ntswa na mapfura;Zwone zwa fhindula Yeseriele.*+
23 Ndi ḓo mu ṱavha sa mbeu kha ḽifhasi,+Ndi ḓo khathutshela we a vha a songo khathutshelwa;*Ndi ḓo amba na vhane vha si vhe vhathu vhanga* nda ri: “Ni vhathu vhanga,”+Vhone vha ri: “U Mudzimu washu.”’”+
Ṱhaluso dzi re magumoni a siaṱari
^ Kana “u ḓifara luvhi; u ita zwa vhudzekani na vhathu vhanzhi.”
^ Kana “u ḓifara luvhi; u ita zwa vhudzekani na vhathu vhanzhi.”
^ Kana “o ḓifara luvhi (o ita zwa vhudzekani na vhathu vhanzhi).”
^ Kana “Baali Wau.”
^ Zwine zwa amba uri “Mudzimu U Ḓo Ṱavha Mbeu.”
