Hosea 11:1-12
11 “Ndo funa Isiraele a tshee mutukana,+Ndo vhidza murwa wanga e ngei Egipita.+
2 Musi vha* tshi bvela phanḓa vha tshi amba navho,Vho ṋaṋa u vha ṱutshela.+
Vho bvela phanḓa vha tshi ṋekedza zwifanyiso zwa Baali zwiṱhavhelo+Na u ṋekedza zwifanyiso zwo vhaḓiwaho zwiṱhavhelo.+
3 Fhedzi ndi nṋe we nda funza Efuraimi u tshimbila,+ ndi tshi vha takula;+Vha si ṱhogomele uri ndi nṋe we nda vha fhodza.
4 Ndo bvela phanḓa ndi tshi vha kokodza nga thambo dza vhathu, thambo dza lufuno;+Khavho ndi tshi nga ane a bvisa dzhogo mikuloni yavho,Nda ḓisela vhoṱhe zwiḽiwa nga vhulenda.
5 A vha nga vhuyeleli shangoni ḽa Egipita, fhedzi vha ḓo vhusiwa nga khosi ya Asuri,+Ngauri vho hana u vhuyelela kha nṋe.+
6 Banga ḽi ḓo mona miḓini yawe+Ḽa vunḓa thanda dzawe, ḽa vha fhelisa nga nṱhani ha vhukwila havho.+
7 Vhathu vhanga vho ḓiimisela u sa fhulufhedzea kha nṋe.+
Naho vho vha vhidzela nṱha,* a hu na we a takuwa.
8 Iwe Efuraimi, ndi nga u kumedzela hani kha swina ḽau?+
Iwe Isiraele, ndi nga u ṋekedzela hani kha swina ḽau?
Ndi nga u fara hani sa Adema?
Ndi nga u ita hani uri u fane na Zeboimi?+
Ndo shandula muhumbulo;Ndi dovha nda u pfela na vhuṱungu.+
9 A thi tsha ḓo sinyuwa.
A thi tsha ḓo dovha nda fhelisa Efuraimi,+Ngauri ndi Mudzimu, a thi muthu,Mukhethwa a re vhukati hau;Ndi nga si u ḓele ndo sinyuwa.
10 Vha ḓo tevhela Yehova, ene u ḓo vhomba sa ndau;+Musi a tshi vhomba, vharwa vhawe vha ḓo ḓa vha tshi khou tetemela vha tshi bva vhukovhela.+
11 Vha ḓo tetemela sa tshiṋoni musi vha tshi bva Egipita,Sa ḽiivha ḽi bvaho shangoni ḽa Asuri;+Ndi ḓo vha dzudza nḓuni dzavho,” u ralo Yehova.+
12 “Efuraimi o ntanga nga mazwifhi,Nnḓu ya Isiraele yo ntanga nga vhufhura.+
Fhedzi Yuda u kha ḓi tshimbila na Mudzimu,U fhulufhedzea kha Mukhethwa-khethwa.”+
Ṱhaluso dzi re magumoni a siaṱari
^ Ndi vhaporofita na vhoṱhe vha layaho Isiraele.
^ Ndi vhurabeli vhu re vhuimoni ha nṱha.
