Dziphisalema 90:1-17
Thabelo ya Mushe, mushumeli wa Mudzimu wa ngoho.+
90 Iwe Yehova, wo ḓi vha fhethu*+ hashu kha mirafho yoṱhe.
2 Musi thavha dzi sa athu u bebwaKana ḽifhasi na shango zwi sa athu u sikwa,+Iwe u ḓi vha Mudzimu wa lini na lini.+
3 U humisela muthu buseni;Wa ri: “Humani inwi vhana vha vhathu.”+
4 Ngauri miṅwaha ya tshigidi maṱoni au i nga ḓuvha ḽa mulovha ḽo fhiraho,+Vhunga awara dzi si gathi dza vhusiku.
5 U vha swielela kule;+ vha ngala-ngala sa muḽoro;Nga matsheloni vha tou nga hatsi vhune ha simuwa.+
6 Nga matsheloni vhu a ṱharamuwa sa luvha,Fhedzi nga madekwana ha puta, ha oma.+
7 Ngauri ri fheliswa nga mbiti dzau+Ra ofhiswa nga u sinyuwa hau.
8 Vhukhakhi hashu u vhu vhea phanḓa hau;*+Zwiphiri zwashu zwo bviselwa khagala nga tshedza tsha tshifhaṱuwo tshau.+
9 Maḓuvha ashu a khou fhungudzea nga mbiti dzau;Miṅwaha yashu i a fhela sa mufemo.
10 Maḓuvha a vhutshilo hashu ndi miṅwaha ya 70,Kana ya 80+ arali muthu e na nungo.*
Fhedzi hu vha ho ḓala maṱhupho na maṱungu;A fhira nga u ṱavhanya, ra vha ri si tsheeho.+
11 Ndi nnyi ane a nga ḓivha maanḓa a mbiti dzau?
Mbiti dzau ndi khulu u fana na nyofho dzo u teaho.+
12 Ri funze nḓila ya u vhala maḓuvha ashu+Uri ri vhe na mbilu yo ṱalifhaho.
13 Iwe Yehova, vhuya!+ Zwi ḓo guma lini?+
Pfela vhashumeli vhau vhuṱungu.+
14 U ri fushe nga lufuno lwau lu sa shanduki+ nga matsheloni,Uri ri fhululedze na u takala+ maḓuvhani ashu oṱhe.
15 Ita uri maḓuvha ashu a u takala a lingane na maḓuvha e wa ri tambudza,+Vhunga miṅwaha minzhi ye ra i fhedza ri khomboni.+
16 Ngavhe vhashumeli vhau vha tshi vhona zwine wa ita,Ngavhe na vhana vhavho vha tshi vhona lunako lwau.+
17 Ngavhe Yehova Mudzimu washu a tshi ri khathutshela;Ngavhe u tshi fhaṱutshedza* mishumo ya zwanḓa zwashu.
Ngangoho fhaṱutshedza* mishumo ya zwanḓa zwashu.+
Ṱhaluso dzi re magumoni a siaṱari
^ Kana khamusi, “dzhavhelo.”
^ Kana “U a ḓivha vhukhakhi hashu.”
^ Kana “nga nṱhani ha maanḓa o khetheaho.”
^ Kana “khwaṱhisa.”
^ Kana “khwaṱhisa.”
