Dziphisalema 107:1-43
107 Livhuwani Yehova, ngauri ndi wavhuḓi;+Lufuno lwawe lu sa shanduki ndi lwa lini na lini.+
2 Vho vhuiswaho* nga Yehova nga vha ambe zwenezwo,Vhe a vha dzhiulula tshanḓani tsha* swina,+
3 Vhe a vha kuvhanganya vha tshi bva mashangoni,+Vha tshi bva vhubvaḓuvha na vhukovhela,Vha tshi bva devhula na tshipembe.+
4 Vho tendeleka sogani,A vho ngo wana nḓila ya u ya muḓini une vha nga dzula khawo.
5 Vho vha vho farwa nga nḓala na ḓora;Vho vha vha si tshe na nungo.
6 Vho ḓi dzula vha tshi vhidzelela Yehova musi vho tsikeledzea;+O vha tshidza musi vhe khomboni.+
7 O vha tshimbidza nḓilani yo lugaho+Uri vha swike muḓini we vha vha vha tshi ḓo dzula khawo.+
8 Vhathu nga vha livhuwe Yehova+ nga nṱhani ha lufuno lwawe lu sa shandukiNa nga nṱhani ha mishumo yawe i mangadzaho ye a i itela vhana vha vhathu.+
9 Ngauri o vha dzimula ḓoraVha re na nḓala a vha fusha nga zwithu zwavhuḓi.+
10 Vhaṅwe vho vha vha tshi dzula swiswini ḽihulu,Vhafariwa vhane vha khou tambula vho vhofhiwa nga tsimbi.
11 Ngauri vho shandukela zwe Mudzimu a amba;Vho nyadza nyeletshedzo ya Wa-Ṱaḓulu-ṱaḓulu.+
12 Nga zwenezwo, a vha ṱukufhadza nga zwi konḓaho;+Vho khukhuliwa, hu si vhe na we a vha thusa.
13 Vho vhidzelela Yehova uri a vha thuse musi vho tsikeledzea;A vha tshidza musi vhe khomboni.
14 A vha bvisa swiswini ḽihulu,A ṱhukhula na ngeḓane dzavho.+
15 Vhathu nga vha livhuwe Yehova nga nṱhani ha lufuno lwawe lu sa shanduki+Na nga nṱhani ha mishumo yawe i mangadzaho ye a i itela vhana vha vhathu.
16 Ngauri o vunḓa mavothi a koporoA vunḓa dzitsimbi.+
17 Vho vha vhe matsilu, vha tambula+Nga nṱhani ha vhutshinyi havho na vhukhakhi havho.+
18 Vha si tshe na dzangalelo ḽa zwiḽiwa zwoṱhe;Vhe tsini na khoro dza lufu.
19 Vho vhidzelela Yehova uri a vha thuse musi vho tsikeledzea;A vha tshidza musi vhe khomboni.
20 O vha a tshi rumela ipfi ḽawe ḽa vha fhodza+A vha tshidza milindini ye vha wela khayo.
21 Vhathu nga vha livhuwe Yehova nga nṱhani ha lufuno lwawe lu sa shandukiNa nga nṱhani ha mishumo yawe i mangadzaho ye a i itela vhana vha vhathu.
22 Nga vha ṋekedze zwiṱhavhelo zwa u livhuwa+Vha ḓivhadze mishumo yawe nga dakalo.
23 Vhane vha tshimbila lwanzheni nga zwikepe,Vhane vha rengisa vhe maḓini manzhi,+
24 Vho vhona mishumo ya YehovaNa mishumo yawe i mangadzaho lwanzheni;+
25 Musi a tshi amba hu vuwa ḓumbu,+Ha takuwa magabelo a lwanzhe.
26 A takuwa a swika lutomboni;A dovha a tsela fhasiVha kulea nungo nga nṱhani ha khombo ine ya ḓo vha wela.
27 Vha a pepeleka na u wa u fana na muthu o kambiwaho,Vhutsila havho hoṱhe a vhu vha thusi nga tshithu.+
28 Vha vhidzelela Yehova musi vho tsikeledzea,+A vha tshidza musi vhe khomboni.
29 U dzikisa ḓumbu;Magabelo a lwanzhe a dzika.+
30 Vha a takala musi hu tshi dovha ha dzika,A vha isa vhuimazwikepe hune vha hu tama.
31 Vhathu nga vha livhuwe Yehova nga nṱhani ha lufuno lwawe lu sa shandukiNa nga nṱhani ha mishumo yawe i mangadzaho ye a i itela vhana vha vhathu.+
32 Nga vha mu hulise vhe tshivhidzoni,+Nga vha mu rende vhukati ha vhahulwane.
33 U xisa milambo ya vha sogaNa zwisima zwa maḓi zwa vha shango ḽo omaho,+
34 Shango ḽo nonaho a ḽi shandula ḽa vha shango ḽa muṋo ḽi songo nonaho,+Nga nṱhani ha vhuvhi ha vhane vha dzula henefho.
35 U shandula soga ḽa vha mativha a maḓi a re na ṱhanga,A ita uri shango ḽi vhe na zwisima zwa maḓi.+
36 A ita uri vha re na nḓala vha dzule henefho,+Uri vha khwaṱhise muḓi une vha ḓo dzula khawo.+
37 Vha zwala mbeu masimuni, vha ṱavha minḓirivhe+Vha kaṋa zwinzhi.+
38 A vha fhaṱutshedza, vha anda vhukuma;A si tendele kholomo dzavho dzi tshi fhungudzea.+
39 Fhedzi vha dovha vha fhungudzea na u shoniswaNga nṱhani ha mitsiko, dzikhombo na vhuṱungu.
40 U shonisa vharangaphanḓaA ita uri vha tendeleke sogani.+
41 Fhedzi u tsireledza vhashai uri vha si tsikeledzwe+A ita uri miṱa yavho i ande vhunga sambi.
42 Vho lugaho vha a zwi vhona vha takala;+Fhedzi vhoṱhe vha songo lugaho vha a vala milomo yavho.+
43 O ṱalifhaho u ḓo tevhedza zwenezwi zwithu+U ḓo ṱolisisa nga vhuronwane mishumo ya Yehova ya lufuno lu sa shanduki.+
