Vhurifhi Ha U Thoma Vhu Yaho Kha Vhakorinta 2:1-16
2 Vhahashu, musi ndi tshi ḓa u ni ḓivhadza tshiphiri tshikhethwa tsha Mudzimu,+ a tho ngo amba maipfi a kungaho+ kana vhuṱali ha vhathu.
2 Ndo nanga u ni vhudza nga ha Yesu Kristo fhedzi, na uri o ombelwa kha danda.+
3 Musi ndi tshi ḓa kha inwi ndo vha ndi si na nungo, ndi tshi ofha, ndi tshi tetemela zwihulu;
4 a tho ngo amba na u funza nga maipfi a vhuṱali na a kungaho, fhedzi zwe nda amba zwo sumbedza maanḓa a muya mukhethwa,+
5 uri lutendo lwaṋu lu si vhe kha vhuṱali ha vhathu, fhedzi lu vhe kha maanḓa a Mudzimu.
6 Ri amba nga vhuṱali ri vhukati ha vha re na lutendo lwo khwaṱhaho,+ fhedzi hu si vhuṱali ha vhathu kana ha vhavhusi vha ḽino shango,* vhane vha ḓo fheliswa.+
7 Ri amba nga tshiphiri tshikhethwa+ tshine tsha vha vhuṱali ha Mudzimu ho dzumbiwaho, he Mudzimu a dzula o dzudzanya shango* ḽi sa athu u vha hone uri a ri hulise.
8 A hu na muvhusi wa ḽino shango* we a ḓivha honovhu vhuṱali.+ Arali vha vhe vho vhu ḓivha, vho vha vha tshi ḓo vha vha songo vhulaya Murena Yesu.*
9 Samusi ho ṅwaliwa u pfi: “Zwe Mudzimu a zwi lugiselela vhane vha mu funa, a hu na ḽiṱo ḽe ḽa zwi vhona, na nḓevhe ye ya zwi pfa na we a zwi ṱalukanya.”+
10 Ngauri Mudzimu o zwi dzumbululela+ riṋe a tshi shumisa muya wawe mukhethwa,+ ngauri muya mukhethwa u dzumbulula zwithu zwoṱhe, na zwithu zwa Mudzimu zwo dzumbiwaho.+
11 Ndi nnyi ane a nga ḓivha zwine muthu a humbula? Zwi ḓivhiwa ngae fhedzi. Na zwine Mudzimu a humbula, a hu na ane a nga zwi ḓivha nga nnḓa ha muya wawe.
12 A ro ngo ṱanganedza muya wa shango, fhedzi ro ṱanganedza muya u bvaho kha Mudzimu,+ uri ri ḓivhe zwe Mudzimu a ri ṋea zwone nga vhuthu.
13 A ri ambi zwenezwi zwithu nga maipfi o funzwaho nga vhuṱali ha vhathu,+ fhedzi ri amba nga maipfi o funzwaho nga muya mukhethwa,+ musi ri tshi ṱalutshedza zwithu zwi tshimbidzanaho na Mudzimu nga muya mukhethwa.
14 Ane a livhiswa nga nyemulo dzawe ha ṱanganedzi zwine zwa dzumbululwa nga muya wa Mudzimu, ngauri ndi vhutsilu khae; a nga si zwi ḓivhe, ngauri u fanela u zwi ṱolisisa a tshi thuswa nga muya mukhethwa.
15 Ane a livhiswa nga muya mukhethwa u ṱolisisa zwithu zwoṱhe,+ fhedzi ene ha ṱolisiswi nga muthu.
16 Ngauri “ndi nnyi ane a ḓivha zwine Yehova* a humbula, uri a mu livhise?”+ Fhedzi riṋe ri humbula u fana na Kristo.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Sedzani Mutevhe Wa Ṱhalutshedzo Ya Maipfi.
^ Kana “vhulayela Murena Yesu kha danda.”
^ Sedzani Mutevhe Wa Ṱhalutshedzo Ya Maipfi.
