U Dala Bethele
Ri a ni ṱanganedza uri ni dalele ofisi dzashu dza davhi. Dzenedzi ofisi dzi ḓivhiwa sa Bethele. Kha dziṅwe ofisi ni a kona u tshimbila ni noṱhe ni tshi vhona zwo ṱaniwaho.
Canada
Nga Ha U Dala Bethele
Ni tea u buka ni sa athu ḓa u dala? Ee. Uri hu si vhe na kwanye-kwanye na uri muṅwe na muṅwe a ḓiphine musi o dala, ri humbela vhaeni vhoṱhe uri vha buke vha sa athu u ḓa, hu sa londwi uri vha khou ḓa vhe vhangana. Vha buke hu tshee ho sala vhege. Arali vha tshi khou dala nga tshifhinga tsha dziholodei, ri humbela uri vha buke hu tshi kha ḓi vha na tshifhinga.
Arali ni songo buka, ni nga ḓa na dala? Arali ni songo buka, zwi nga kha ḓi konḓa. Hu tou vha na tshivhalo tsha vhathu tsho tendelwaho u ḓa nga ḓuvha.
Ni tea u swika tshifhinga-ḓe? Uri hu si vhe na kwanye-kwanye, ri humbela uri ni swike hu tshee ho sala awara nthihi.
Ni nga buka hani? Arali inwi na vhathu vhe na ḓa navho ni sa swiki 20, puṱedzani ho ṅwaliwaho u pfi “Bukelani Vhathu Vha Sa Swiki 20.” Kana ni rumele e-mail kha tourdesk.ca@jw.org u itela u bukela vhathu vha 20 u ya nṱha.
Ni nga tshintsha zwe na buka? Ee. Puṱedzani ho ṅwaliwaho u pfi “Sedzani Kana U Tshintsha Zwe Na Buka.”
Hu pfi mini arali ho ḓala nga maḓuvha ane na khou ṱoḓa u dala ngao Bethele? Bvelani phanḓa ni tshi setsha. Hu nga ḓi vulea nga eneo maḓuvha arali muṅwe a tshintsha zwe a buka.
Ḓiresi Na Nomboro Dza Founu