Yahovaning Shohidlari qattiq muqovali bejirim Muqaddas Kitoblarni chop qilish maqsadida Yaponiyaning Ebina shahridagi bosmaxonada yangi muqovalash uskunasini o‘rnatishdi.

Boshida ba’zi xavotirlar bor edi. Chunki Yaponiyada 2011-yil 11-mart oyida yuz bergan zilzila va sunami dastidan, elektr quvvatining yetkazilishi majburan to‘xtatildi.

Shunga qaramasdan, 2011-yil sentyabr oyida loyiha qayta tiklandi. Uch oy o‘tar o‘tmas, yapon tilidagi «Yangi dunyo tarjimasi»ning birinchi nusxasi yangi muqovalash uskunasidan chiqarildi.

To‘liq avtomat ravishda ishlaydigan muqovalash uskunasining uzunligi taxminan 400 metrga yetadi. Bosib chiqarilgan sahifalar harakatlanayotgan tasmadan o‘tayotib, birlashtiriladi, muqovalanadi, bosim ostida zichlanadi. So‘ng muhrlangan karton qutilarga joylashtirilib, poddonlarga taxlanadi.

Loyihadan ko‘zlangan natijaga erishish uchun puxta reja va hamkorlik oldindan o‘ylab qo‘yildi. Masalan, muqovalash uskunasini sellofan bilan mahkam o‘rab, maxsus qutilarga solib, 34 konteynerga joylashtirildi va dengiz orqali Yevropadan Yaponiyaga jo‘natildi.

Qo‘shma Shtatlardagi Yahova Shohidlarining filialida xizmat qilayotgan 10 kishi, bu loyihani amalga oshirishga ko‘maklashish uchun Yaponiyaga yo‘l olishdi. Ulardan ba’zilari olti oyga qolib, yaponiyalik hamkorlariga muqovalash uskunasi qanday ishlashini va unga qanday qarash kerakligini o‘rgatishdi.

Yangi muqovalash uskunasi, Yaponiyadagi muqovalash, chop qilish va nashr etish kabi sanoat korxonalarining diqqatini o‘ziga jalb qildi. 2012-yil 19-mart kuni shu kabi korxonalardan yuzdan oshiq odamlar kelib, muqovalash uskunasi qanday ishlashini tomosha qilishdi. Ular yaxshi taassurotlar bilan qaytishdi.

Ketishdan oldin, ularning har biriga bittadan yangi uskunadan chiqqan Muqaddas Kitobning «Yangi dunyo tarjimasi» berildi.

Yaponiyadagi filial, Yahova Shohidlarining umumjahon ishida hamkorlik qilib, Qo‘shma Shtatlar va Braziliyadagi filiallar singari qattiq muqovali Muqaddas Kitobni nashr etmoqda.

Loyihani amalga oshirishda yordam bergan Yahovaning Shohidlari hamda tashqaridan kelgan boshqa korxonalar bir-birlari bilan hamkorlik qilishdan mamnun edilar. Yahovaning Shohidi bo‘lmagan bir kishi shunday dedi: «Sizlar, menga oila a’zolarimdek bo‘ldingizlar».

Loyiha tugashiga sanoqli kunlar qolganida, Yahovaning Shohidi bo‘lmagan kishi quyidagini aytdi: «Boshqa joyda bu ishni bajarish qiyinroq bo‘ladiganga o‘xshaydi, endi sharoit Qo‘riqchi Minorasida bo‘lganidek bo‘lmasa kerak!»