Zakariyo 13:1-9
13 O‘sha kuni Dovud xonadoni bilan Quddus aholisi gunohdan tozalanib, poklanishi uchun bir quduq qaziladi»+.
2 Qo‘shinlar Sarvari Yahova demoqda: «O‘sha kuni Men bu yerdan butlarning nomini o‘chirib tashlayman+ va ular hech qachon yodga olinmaydi. Soxta payg‘ambarlar+ bilan nopoklik ruhini ham bu yerdan yo‘q qilaman.
3 Agar biror kishi yana bashorat qilsa, uni dunyoga keltirgan ota-onasi unga: “Sen o‘lasan, chunki Yahovaning nomidan yolg‘on gaplarni aytyapsan”,— deydi. Bashorat qilgani uchun, uni dunyoga keltirgan ota-onasi uning badanini teshadi+.
4 O‘sha kuni har bir soxta payg‘ambar bashorat qilib aytgan vahiysidan uyalib qoladi. Aldash uchun ular junli kiyimini*+ kiymaydi.
5 Ularning har biri: “Men payg‘ambar emasman. Men bir dehqonman. Yoshligimda bir kishi meni qul qilib sotib olgan”,— deydi.
6 Agar kimdir ularning birortasidan: “Badaningizdagi* jarohatlar qayerdan paydo bo‘ldi?” — deb so‘rasa, u: “Bu jarohatlarni do‘stlarimning uyida orttirdim”,— deb javob beradi».
7 Qo‘shinlar Sarvari Yahova demoqda: «Ey qilich, cho‘ponimga+,Yaqinimga qarshi ko‘taril.
Cho‘ponga zarba ber+, qo‘ylar tarqalib ketsin+.Men ahamiyatsiz bo‘lganlarga qarshi qo‘limni ko‘taraman».
8 Yahova aytmoqda: «Butun yer yuzidaOdamlarning uchdan ikki qismi qirilib yo‘q bo‘ladi.Uchdan bir qismi omon qoladi.
9 Uchdan bir qismini olovdan o‘tkazaman.Kumushni olovdan o‘tkazib tozalaganday, ularni tozalayman.Oltinni sinovdan o‘tkazganday, ularni sinayman+.
Ular Mening ismimni chaqiradilar,Men esa ularga javob beraman.
Men: “Ular Mening xalqim”+,— deyman.
Ular esa: “Yahova bizning Xudoyimiz”,— deyishadi».
Izohlar
^ Yoki «payg‘ambarning kiyimini».
^ So‘zma-so‘z «qo‘llaringiz orasidagi». Ya’ni ko‘kragidagi yoki belidagi.
