Zabur 84:1-12
Ijrochilar rahbari uchun ko‘rsatma. Gittit*.Ko‘rax o‘g‘illari sanosi+. Qo‘shiq.
84 Ey, Qo‘shinlar Sarvari Yahova,Ulug‘vor muqaddas chodiringni naqadar sevaman!+
2 Yahovaning hovlilariniButun vujudim bilan sog‘inaman.Ha, qo‘msaganimdan darmonim quriydi+.
Butun qalbim, borlig‘im ila barhayot Xudoga quvonib xitob qilaman.
3 Ey, Qo‘shinlar Sarvari, Podshohim va Xudoyim Yahova,Sening ulug‘vor qurbongohing oldidaHatto qushlar ham qo‘nim topadi.Qaldirg‘och in qurib,Palaponlar ochib chiqaradi.
4 Uyingda yashovchilar naqadar baxtiyor!+
Ular Senga tinmay hamd-u sano aytadi+. (Sela)
5 Seni quvvati deb bilganlar+,Uyingga eltuvchi yo‘llardan yurishni chin dildan istaganlar baxtlidir!
6 Ular Baka vodiysidan* o‘tganda,Uni buloqlar maskaniga aylantiradi.Ilk yomg‘ir u yerni qut-barakaga burkaydi*.
7 Ular yurgan sayin kuchiga kuch qo‘shiladi+,Har biri Sionda, Alloh huzurida turadi.
8 Ey, Qo‘shinlar Sarvari Yahova, ibodatimni eshit,Tingla, ey, Yoqub Tangrisi. (Sela)
9 Nazar sol, ey, qalqonimiz+ va Allohimiz*,Moylanganingga marhamat ko‘rsat+.
10 Hovlilaringda o‘tgan bir kun, boshqa yerda o‘tgan ming kundan yaxshiroqdir!+
Yovuzlar chodirida yashagandan ko‘ra,Tangrim uyining ostonasida turishni afzal ko‘raman.
11 Zero, Alloh Yahova — quyoshimiz+ va qalqonimizdir+.U iltifot ko‘rsatib, shon-sharafga burkaydi.
Benuqson bo‘lib yurganlardanYahova O‘z ne’matini darig‘ tutmaydi+.
12 Ey, Qo‘shinlar Sarvari Yahova,Senga tayanadigan inson saodatlidir!+
Izohlar
^ Boshqa variant «Ustoz qut-barakaga burkanadi».
^ Yoki «Baka butalari vodiysidan».
^ Boshqa variant «Qalqonimizga nazar sol, ey Xudo».
