Zabur 56:1-13
Ijrochilar rahbari uchun ko‘rsatma. «Olisda jim turgan kabutar». Dovud sanosi. Miktam*. Filistimliklar Gatda Dovudni tutib olganda yozilgan +.
56 Ey Tangri, menga iltifot ko‘rsat, chunki o‘tkinchi odam menga hujum qilyapti.
Ular har kuni men bilan kurashib, zulm o‘tkazyapti.
2 Dushmanlarim har kuni menga hujum qilyapti,Manmanlik ila menga qarshi kurashayotganlar ko‘payib ketdi.
3 Qo‘rquv meni qamrab olganda+, Senga umid bog‘layman+.
4 Xudoga tayanib, Uning aytgan so‘zini ta’riflayman,Xudodan umid qilaman, aslo qo‘rqmayman.
Inson menga nima ham qila olardi?!+
5 Ular har kuni menga tashvish orttiradi,Butun fikr-xayollari menga zarar yetkazish bilan band+.
6 Ular hamla qilish uchun pisib o‘tiradi,Jonimni* olish umidida+Har bir qadamimni poylab yuradi+.
7 Ey Xudo, yovuzliklari uchun ulardan yuz o‘gir.
G‘azabing ila xalqlarni jazola+.
8 Sarson bo‘lib yurganimni ko‘rib turibsan+.
Ko‘z yoshlarimni meshingga yig‘ib qo‘y+.
Axir Sen ularni bitta qoldirmay kitobingga yozib qo‘ygansan-ku!+
9 Yordam so‘rab Seni chaqirishim bilanoq, dushmanlarim orqaga chekinadi+.
Alloh men tomonda ekaniga ishonchim komil+.
10 Xudoga tayanib Uning aytgan so‘zini ta’riflayman.Yahovaga umid bog‘lab Uning aytgan so‘zini ta’riflayman.
11 Xudodan umid qilaman, aslo qo‘rqmayman+.
Inson menga nima ham qila olardi?!+
12 Ey Tangri, Senga bergan va’dalarim ustidan chiqaman+,Senga shukronalar aytaman+.
13 Oldingda yurishim, hayot nuri ustimga yog‘ilib turishi uchun+,Sen meni o‘limdan xalos etding+,Oyoqlarim qoqilib ketishiga yo‘l qo‘ymading+.
