Zabur 38:1-22
Eslatma sifatida yozilgan Dovud sanosi.
38 Ey Yahova, g‘azab ustida menga tanbeh berma,Jahl ustida meni tuzatma+.
2 Chunki o‘qlaring tanamga suqilib kirdi,Qo‘ling meni zilday bosib turibdi+.
3 Qahr-g‘azabingdan butun tanam dard chekyapti.
Gunohim dastidan halovatimni yo‘qotdim+.
4 Xatolarim boshimdan oshib yotibdi+,Ular men uchun ko‘tarib bo‘lmaydigan og‘ir yuk kabidir.
5 Aqlsizligim dastidanYaralarim yiringlab, qo‘lansa hid chiqaryapti.
6 Qayg‘u chekib, bukchayib qoldim,Kun bo‘yi g‘amgin yuraman.
7 Ichim kuyib ketyapti,Butun tanam dard chekyapti+.
8 Men serrayib qotib qoldim, tamoman ezildim,Yuragim qiynalganidan fig‘on chekyapman.
9 Ey Yahova, Sen barcha istaklarimni bilasan,Oh-u nolalarim Sendan yashirin emas.
10 Yuragim bezovta, quvvatim ado bo‘ldi,Ko‘zlarim nuridan ham ayrildim+.
11 Yaralarimni ko‘rib, yor-u do‘stlarim mendan qochadigan,Yaqin tanishlarim o‘zini chetga oladigan bo‘ldi.
12 Jonimga* qasd qilmoqchi bo‘lganlar qopqonlar qo‘ymoqda,Zarar yetkazmoqchi bo‘lganlar menga qarshi gapirib+,Kun bo‘yi yolg‘on to‘qib yuribdi.
13 Men bo‘lsam kar odam singari eshitmayman+,Soqovga o‘xshab og‘iz ochmayman+.
14 Men qulog‘i eshitmaydigan insonga o‘xshab qoldim,O‘zimni oqlash uchun og‘zimdan birorta ham so‘z chiqmaydi.
15 Boisi, men Seni kutdim, ey Yahova+,Sen menga javob berding, ey, Tangrim Yahova+.
16 Chunki men: «Ular ustimdan kulmasin,Oyog‘im sirpanib ketsa, o‘zlarini mendan yuqori qo‘ymasin»,— dedim.
17 Sababi, halokatga uchrashimga sal qoldi,Dard-alam meni hech tark etmasdi+.
18 Men xatolarimni tan oldim+,Gunohim dastidan halovatimni yo‘qotdim+.
19 Dushmanlarim esa serg‘ayrat va kuchli*,Mendan besabab nafratlanayotganlar ko‘payib ketdi.
20 Ular qilgan yaxshiligimga yomonlik qaytardi,Yaxshilikka intilganim uchun menga qarshi chiqdi.
21 Meni tark etma, ey Yahova!
Mendan olisda turma, ey Tangrim!+
22 Menga yordam berishga shoshil,Ey, najotkorim Yahova!+
