Ishayo 54:1-17
54 Yahova shunday demoqda: «Ey bepusht, tug‘magan ayol, quvonchdan hayqir!+
Ey, to‘lg‘oq azobini chekmagan ayol+, shodlikdan hayqir!+Zero, erli xotinning o‘g‘illaridan ko‘ra,Tashlab ketilganning o‘g‘illari ko‘proq+.
2 Chodiringni yanada kengaytir+,
Ulug‘vor chodiring matosini kengroq yoy.
Hech narsani ayama, chodir arqonlarini uzaytir,Qoziqlarini mahkam o‘rnat+.
3 Chegaralaring o‘ngga va chapga kengayadi.
Avloding xalqlarga egalik qiladi,Bo‘sh qolgan shaharlarga joylashadi+.
4 Qo‘rqma+, negaki isnodga qolmaysan+,O‘zingni kamsitilganday sezma, umiding uzilmaydi.
Yoshligingda sharmanda bo‘lganingni unutasan,Bevaligingda uyatga qolganingni aslo eslamaysan».
5 Allohing shunday demoqda: «Ulug‘ Yaratuvching+ ering*+ kabidir,Uning ismi Qo‘shinlar Sarvari Yahovadir.Isroilning Muqaddas Xudosi Xaloskoringdir+.
U butun yerning Tangrisi deb ataladi+.
6 Yahova seni eri tashlab ketgan, azob chekkan+,Yoshligida turmush qurib, keyin rad etilgan xotinni chaqirganday chaqirib oldi».
7 «Men seni bir lahzaga tark etdim,Biroq cheksiz rahm-shafqat ila seni qaytaraman+.
8 Qahrim kelib turganda, yuzimni sendan bir zum yashirdim+.Ammo cheksiz mehr-sadoqatim ila senga rahm ko‘rsataman»+,— demoqda Xaloskoring+ Yahova.
9 «Bu Men uchun Nuh zamoniga o‘xshaydi+.
Yerni to‘fon suvlari bosmaydi deb qasam ichganimday+,Senga boshqa g‘azablanmaslikka, seni jazolamaslikka qasam ichaman+.
10 Tog‘lar o‘rnidan qo‘zg‘alsa ham,Tepaliklar tebransa ham,Mehr-sadoqatim sendan tortib olinmaydi+.Tinchlik ahdim buzilmaydi+,— demoqda senga rahm ko‘rsatayotgan Yahova+.
11 — Ey, jabr chekkan+, bo‘ron tagida qolgan, tasalli topmagan ayol+,Toshlaringni qorishma bilan mustahkamlayman,Poydevoringni sapfirlardan solaman+.
12 Devorlaringni yoqutdan ko‘taraman,Darvozalaringni yaltiroq* toshlardan yasayman,Butun chegaralaringni qimmatbaho toshlardan o‘rnataman.
13 Barcha o‘g‘illaring Yahovadan ta’lim oladi+,Ularning tinchligi cheksiz bo‘ladi+.
14 Odilligingni barqaror qilasan+,
Jabr-zulmdan yiroq bo‘lasan+,Hech narsadan qo‘rqmaysan, seni hech nima dahshatga solmaydi.Chunki bular senga yaqin yo‘lamaydi+.
15 Senga birortasi hujum qilsa,Bu Mening buyrug‘im bo‘yicha bo‘lmaydi.
Senga hujum qilgan har kim mag‘lub bo‘ladi»+.
16 «Mana, cho‘g‘ni puflab,Qurol-yarog‘ yasaydiganHunarmandni O‘zim yaratdim.
Vayron qiluvchi kishini ham O‘zim yaratdim+.
17 Senga qarshi yasalgan hech bir qurol g‘alaba qozonmaydi+.Mahkamada senga qarshi gapirgan tilni ayblaysan.
Bu, Yahova xizmatchilarining merosidir,Men ularni odil deb bilaman»,— demoqda Yahova+.
