Ishayo 51:1-23
51 Ey, odillikka intiluvchilar,Ey, Yahovani izlovchilar, menga quloq soling!
O‘zingiz yo‘nilib olingan qoyaga,O‘zingiz qazib olingan chuqurlikka qarang.
2 Otangiz Ibrohimga,Sizni dunyoga keltirgan Soraga+ qarang.
Men Ibrohimni chaqirganda, u bir o‘zi edi+,Men unga barakalar yog‘dirib, ko‘paytirdim+.
3 Yahova Sionni yupatadi+,
Butun xarobalariga tasalli beradi+.Uning sahrosini Adan+ kabi,Dasht-u biyobonlarini Yahovaning bog‘i kabi qiladi+.
U yer shod-xurramlikka, quvonchga to‘ladi,Shukrona-yu qo‘shiqlar sadosi yangraydi+.
4 Ey xalqim, Menga diqqat qil.Ey millatim+, Menga quloq sol.
Zero, Men qonun chiqaraman+,Adolatimni xalqlar uchun nur qilaman+.
5 Haqqoniyatimni o‘rnatish vaqti+,
Najotim yaqinlashib kelmoqda+,Qo‘limni uzatib xalqlarni hukm qilaman+.
Orollar Menga umid bog‘laydi+,Qudratimni ko‘rsatadigan paytni kutadi.
6 Boshingizni ko‘tarib osmonga qarang,Oyog‘ingiz ostidagi yerga nazar soling.
Samolar tutunday tarqab ketadi,Yer kiyim-kechakday eskiradi.Aholisi chivinlarday o‘ladi.
Biroq najotim abadiy bo‘ladi+,Odilligim hech ham tugamaydi+.
7 Ey, adolatni biluvchilar,Ey, qonunimni qalbida saqlaydigan xalq+, Meni tinglang!
O‘tkinchi inson haqoratlaridan qo‘rqmang,Uning tahqirlari sizni dahshatga solmasin.
8 Ular kuya yegan kiyimday,Kuya kapalak* yegan junday yo‘q bo‘lib ketadi+.
Ammo odilligim mangu bo‘ladi,Najotim nasllar osha ko‘rsatiladi»+.
9 Ey, Yahovaning qo‘li+, uyg‘on!Uyg‘on, kuchga to‘l!
Azaldagiday, ilgarigi nasllar davridagiday uyg‘on.
Axir Rahobni*+ parcha-parcha qilgan,Dengiz jonivorini sanchib tashlagan Sen emasmiding?!+
10 Dengizni, ummonni quritgan Sen emasmiding?!+
To‘lov evaziga qutqarilganlar o‘tsin deya, dengiz tubidan yo‘l ochgan Sen emasmiding?!+
11 Yahova tomonidan najot topganlar qaytadi+.
Sevinch sadolari ila Sionga keladi+,Cheksiz quvonch boshlarida toj bo‘ladi+.
Shodlig-u xursandchilikka to‘ladi,Qayg‘u-alam yo‘qga chiqadi+.
12 «Men O‘zim sizlarga tasalli beraman+.
Nega o‘tkinchi insondan,O‘t-o‘landay qurib yo‘q bo‘ladigan odamzoddan qo‘rqasiz?+
13 Osmonni yoygan+, yerning poydevorini solganYaratuvching Yahovani+ nega unutding?
Go‘yo kelib seni yo‘q qilib yuboradiganday,Kun bo‘yi zulmkorning g‘azabidan qo‘rqding.
Qani o‘sha zulmkorning g‘azabi?
14 Zanjirband kishi yaqinda ozod etiladi+,U o‘lmaydi, qabrga tushmaydi,Nonsiz ham qolmaydi.
15 Men — Tangringiz Yahova,Dengizni junbushga keltirib, to‘lqinlarini shovullataman+.Mening ismim Qo‘shinlar Sarvari Yahovadir+.
16 Samolarni o‘rnatib, yerning poydevorini solish+,Sionga: “Sen Mening xalqimsan”+,— deyish uchun,So‘zlarimni og‘zingga solaman,Seni qo‘lim bilan himoyalayman+.
17 Uyg‘on, ey Quddus, uyg‘on! O‘rningdan tur!+Sen Yahovaning qo‘lidan, Uning g‘azab kosasidan ichding.
Sen qadahdan ichding,Mast qiladigan kosani bo‘shatding+.
18 Tug‘gan o‘g‘illarining hech biri uni yetaklamadi,Boqib katta qilgan o‘g‘illarining hech biri qo‘lidan tutmadi.
19 Ikkita narsaga yo‘liqding.
Holingga kim achinadi?
Halokat-u talonchilik, ochlig-u qilich!+
Kim senga tasalli beradi?+
20 O‘g‘illaring hushidan ketdi+.
Ular qopqonga tushgan qo‘y singariHar bir ko‘chaning burchagida* yotibdi.
Ular Yahovaning g‘azabiga uchrab, Tangringning jazosini to‘laligicha oldi».
21 Shu bois, sharob ichmay mast bo‘lgan,Ey, bechora ayol, quloq sol!
22 Xalqingni himoya qiluvchi Allohing, Rabb Yahova shunday demoqda:
«Mast qiladigan kosani,Qadahni, g‘azab kosamni qo‘lingdan olaman+.Undan boshqa ichmaysan+.
23 Men uni senga zulm o‘tkazganlar qo‘liga beraman+,Axir ular: “Egil, ustingdan o‘tib ketaylik!” — degan edi.
Shunda sen, ular o‘tib ketishi uchunOrqangni yerday, xuddi ko‘chaday qilgan eding».
